Anunsio

◼ Oferta di literatura pa mei: Ofresé ehemplarnan lòs di tantu E Toren di Vigilansia komo ¡Despertad! Ora di rebishitá hende interesá, bishitá tambe hendenan ku sa asistí na Memorial òf otro eventonan teokrátiko pero ku no ta asosiá aktivamente ku e kongregashon. Ofresé prinsipalmente e buki Kiko Beibel Ta Siña Realmente? Nos meta mester ta pa kuminsá un estudio di Beibel den e buki ei. Yüni: Ofresé e buki Kiko Beibel Ta Siña Realmente? Hasi esfuerso spesial pa kuminsá estudio di Beibel. Yüli ku ougùstùs: Por usa un di e siguiente foyetonan di 32 página: Bo Mester Kere den Trinidad?, Dios Realmente Ta Interesá den Nos?, Disfruta di bida riba tera pa semper!, E gobierno cu lo restora paradijs, E nomber divino cu lo permanece pa semper, Hamas Lo Yega di Tin un Mundu Sin Guera?, Keda Vigilá!, Kico Ta Sosodé cu Nos ora Nos Muri?, “Mira! mi ta traha tur cos nobo,” Ora un Persona Stimá Muri, Spiritu dje mortonan—Nan por yudá bo of hací bo daño? Nan realmente ta existí? i Un Buki pa Tur Hende. Ta bon pa kongregashonnan ofresé e foyetonan ku nan tin di mas den stòk.

◼ Kuerponan di ansiano mester repasá e karta relashoná ku preparashon pa desasternan, fechá 6 di yüli 2006. Nan mester hasi sigur ku nan tin informashon al dia tokante kon pa tuma kontakto ku kada publikadó. Den zonanan kaminda hopi desaster ta tuma lugá, ansianonan mester tin informashon adishonal pa nan por tuma kontakto ku e rumannan na ora di emergensia. Naturalmente, ora no tin un situashon di emergensia, tambe ta bon pa publikadónan informá nan superintendente di Estudio di Buki di Kongregashon òf un otro ansiano si nan ta bai ta ousente pa un periodo largu; por ehèmpel, ora nan ta bai di biahe pa fakansi òf pa trabou òf si nan tin ku bai hospital, etcetera.