Programa di Reunion di Sirbishi

Siman di 9 di Yüli

Kantika 4

10 min: Anunsio lokal. Usa e sugerensianan na página 4 òf otro presentashonnan apropiá pa boso teritorio pa demostrá kon pa presentá E Toren di Vigilansia di 1 di yüli i e ¡Despertad! di yüli.

15 min: Kiko Ta Produsí Berdadero Felisidat? Diskurso i konsiderashon ku esnan presente basá riba E Toren di Vigilansia di 15 di mei 2006, página 28-9, paragraf 11-12. Entrevistá brevemente un persona ku a skohe pa hasi e ministerio e kos prinsipal den su bida en bes di sigui tras di plaser òf un karera. Dikon el a sigui tras di metanan spiritual? Kon esaki a hasié felis?

20 min: Kaha di Pregunta. Na enkargo di un ansiano. Lesa i konsiderá e artíkulo kompletu. Inkluí komentario riba puntonan for di e ¡Despertad! di 22 di mei 2005, página 13-14, bou di e suptemanan “E Peligernan di Engaño i Sekresia” i “Skohe Loke Ta Real en Bes di Loke Ta Parse di Ta Real.”

Kantika 91 i orashon di konklushon.

Siman di 16 di Yüli

Kantika 16

10 min: Anunsio lokal.

20 min: Mantené e Pas i Limpiesa di e Kongregashon. Diskurso i konsiderashon ku esnan presente basá riba e buki Organisá pa Hasi Yehova Su Boluntat, for di página 144 te na e suptema na página 150.

15 min: “Kambionan Interesante pa E Toren di Vigilansia!”a

Kantika 189 i orashon di konklushon.

Siman di 23 di Yüli

Kantika 133

10 min: Anunsio lokal. Lesa informe di kuenta i e konfirmashon ku sukursal a risibí e donashonnan. Usa e sugerensianan na página 4 òf otro presentashonnan apropiá pa boso teritorio pa demostrá kon pa presentá La Atalaya di 15 di yüli i e ¡Despertad! di yüli.

20 min: Mustra Hospitalidat. Diskurso basá riba E Toren di Vigilansia di 15 di yanüari 2005, página 21-3. Inkluí un entrevista breve ku un òf dos publikadó ku ta konosí pa nan hospitalidat. Ki esfuerso nan a hasi pa mustra hospitalidat? Ki bendishon nan i nan famia a risibí komo resultado di esei?

15 min: Kon pa Prepará Introdukshonnan Efikas. Konsiderashon ku esnan presente basá riba e buki Rasonamentu na spañó, página 9 (òf e foyeto chikí Con pa Cuminsá i Continuá Consideracionnan Bíblico, página 2) paragraf 1-2. Tene dos demostrashon ku ta mustra kon pa presentá e oferta di literatura pa ougùstùs.

Kantika 61 i orashon di konklushon.

Siman di 30 di Yüli

Kantika 200

10 min: Anunsio lokal. Kòrda e publikadónan pa entregá nan rapòrt di sirbishi di vèlt di yüli. Kòrda nan tambe pa trese e suplemento di Nos Ministerio di Reino di novèmber 2006 titulá: “Kiko Mi Ta Pensa di Frakshonnan di Sanger i Tratamentu Médiko Ku Ta Enbolbé Mi Mes Sanger?,” pa e reunion di otro siman.

15 min: Hasi Sakrifisio Personal Ta Trese Yehova Su Bendishon. Diskurso basá riba E Toren di Vigilansia di 15 di novèmber 2005, página 8-9.

15 min: “Bendishoná Ta un Hende Ku Ta Perseverá den Prueba.”b Ora ta trata paragraf 3, invitá esnan presente pa splika kon un fe fuerte a yuda nan ora nan a haña nan konfrontá diripiente ku prueba. Por hasi areglo di antemano pa un òf dos persona duna komentario.

Kantika 13 i orashon di konklushon.

Siman di 6 di Ougùstùs

Kantika 106

10 min: Anunsio lokal. Anunsio selektá for di Nos Ministerio di Reino.

15 min: Kiko Mi Ta Pensa di Frakshonnan di Sanger i Tratamentu Médiko Ku Ta Enbolbé Mi Mes Sanger? Un konsiderashon mediante pregunta i kontesta basá riba e suplemento di Nos Ministerio di Reino di novèmber 2006. Ora ta trata e material, enfatisá ku kada publikadó mester tuma su propio desishon den e asuntu aki i ku niun hende no mester purba imponé su propio konsenshi riba otronan. Animá tur presente pa pensa seriamente huntu ku orashon riba e informashon di e suplemento aki i konsiderá tambe e prinsipionan bíbliko relashoná ku esei. Usa e informashon di e suplemento pa tuma desishon personal.

20 min: “Dikon Nos Ta Bai Bèk Bes Tras Bes.”c Ora ta trata paragraf 5, invitá esnan presente pa konta kiko a pone nan haña interes den e bèrdat siendo ku anteriormente nan tabata kontra òf no tabata interesá.

Kantika 211 i orashon di konklushon.

[Footnotes]