Anunsio

◼ Oferta di literatura pa desèmber: Ofresé e buki E homber mas importante cu hamás a biba. Por ofresé tambe E Bijbel—e Palabra di Dios of e palabra di hende? òf Bo por biba pa semper den Paradijs riba tera, si e kongregashon tin na stòk. Yanüari: Por ofresé kualke buki di 192 página ku su blachinan a bira hel òf a kambia koló òf kualke buki ku a ser publiká promé ku 1991. Kongregashonnan ku no tin ningun di e bukinan mas bieu aki por ofresé e buki Conocimentu òf e foyeto Keda Vigilá! Febrüari: Ofresé e buki Hala Serka Yehova. Kongregashonnan ku no tin e publikashon aki por usa e buki Revelacion su culminacion òf otro buki ku nan tin na stòk. Mart: Ofresé e buki Beibel Ta Siña i hasi esfuerso diligente pa kuminsá estudio di Beibel.

◼ Pronto nos lo manda e invitashonnan pa Memorial 2007 den e idioma prinsipal di kada kongregashon. Si tin hende di otro idioma den boso teritorio i boso kier invitashon den e idiomanan ei, mester hasi pedido pa nan mesora riba un Formulario di Pedido di Literatura (S-14). Den e karta “Anunsio pa Tur Kongregashon” ku ta ser mandá tur luna, lo menshoná e idiomanan den kua e invitashonnan pa Memorial ta disponibel. Por fabor, pidi solamente e idiomanan nesesario pa boso teritorio.

◼ Por fabor, tuma nota ku e Memorial pa aña 2008 lo kai riba djasabra, 22 di mart, despues ku solo baha. Nos ta duna e aviso delantá aki pa asina rumannan por hasi reservashon òf sera kontraktnan nesesario pa salanan disponibel si tin vários kongregashon ta usa e mesun Salòn di Reino i mester buska otro kaminda pa reuní. Den kasonan asina, ansianonan mester tin un akuerdo ku gerensia di e lugá pa hasi sigur ku lo no tin bochincha di otro aktividat den e edifisio. Debí n’e importansia di e selebrashon di Memorial, e kuerpo di ansiano mester skohe un di e ansianonan mas kualifiká komo oradó en bes di simplemente duna kada un bùrt òf usa e mesun ruman tur aña. Sin embargo, si tin un ansiano kapas di e klase ungí ku por duna e diskurso, mester skohe é.