Programa di Reunion di Sirbishi

Siman di 13 di Novèmber

Kantika 152

10 min: Anunsio lokal. Usa e sugerensianan na página 8 òf otro presentashonnan apropiá pa boso teritorio pa demostrá kon pa presentá E Toren di Vigilansia di 1 di novèmber i e ¡Despertad! di novèmber. Den un di e demostrashonnan, mustra kon pa trata ku e ekspreshon ku lo por para kòmbersashon “Ya kaba mi ta bon konosí ku boso trabou.”—Wak e buki Rasonamentu na spañó, pág. 20 (òf e foyeto chikí Con pa Cuminsá i Continuá Consideracionnan Bíblico, pág. 12).

20 min: Ministernan di e Bon Nobo. Diskurso i konsiderashon ku e ouditorio, basá riba e buki Organisá pa Hasi Yehova Su Boluntat, página 77 te na e suptema na página 83.

15 min: “Ku Kurashi, Pero Pasífiko.”a Inkluí komentarionan for di e buki Skol di Ministerio, página 252-3, bou di e suptema ku lèternan kursivo “Ki Ora pa Sede.”

Kantika 39 i orashon di konklushon.

Siman di 20 di Novèmber

Kantika 132

10 min: Anunsio lokal. Anunsio selektá for di Nos Ministerio di Reino.

15 min: Nesesidat lokal.

20 min: Ofresé e buki Homber mas importante den desèmber. Konsiderashon ku esnan presente. Invitá esnan presente pa konta kiko nan ta gusta di e buki Homber mas importante i tambe eksperensianan sobresaliente ku nan tabatin ora nan a ofresé e buki aki den pasado. Repasá e presentashonnan sugerí den e suplemento di Nos Ministerio di Reino di yanüari 2005. Usa un di e presentashonnan sugerí òf un otro presentashon ku lo ta efikas den e teritorio lokal pa demostrá kon pa ofresé e buki.

Kantika 203 i orashon di konklushon.

Siman di 27 di Novèmber

Kantika 111

5 min: Anunsio lokal. Lesa informe di kuenta i e konfirmashon ku sukursal a risibí e donashonnan.

10 min: Konstruyendo Unidamente pa Alabá Dios. Diskurso na enkargo di un ansiano, basá riba E Toren di Vigilansia di 1 di novèmber 2006, página 17-21.

15 min: “Kon pa Prepará Presentashon di Revista.”b Inkluí un presentashon di 3 minüt den kua dos publikadó, kisas un esposo i esposa, ta skohe un presentashon sugerí na página 8 pa e revistanan di novèmber i ta disidí kon nan lo us’é den nan mes palabra. Kaba, usando e sugerensianan den e artíkulo ku nos a kaba di konsiderá, nan ta prepará i demostrá kon nan lo presentá un otro artíkulo ku nan ta konsiderá oportuno pa hende den nan teritorio.

15 min: “Kiko Mi Ta Pensa di Frakshonnan di Sanger i Tratamentu Médiko Ku Ta Enbolbé Mi Mes Sanger?”c Konsiderashon mediante pregunta i kontestá i demostrashon. E ansiano ku ta trata e parti aki mester sigui kuidadosamente e boskeho ku sukursal a manda.

Kantika 120 i orashon di konklushon.

Siman di 4 di Desèmber

Kantika 155

10 min: Anunsio lokal. Kòrda e publikadónan pa entregá nan rapòrt di sirbishi di vèlt di novèmber.

15 min: “Revelacion—su gran culminacion ta cerca!”d Animá e kongregashon pa hasi bon uso di e rasgonan spesial manera e kuadro- i plachinan ku tin den e buki aki. Na final di kada estudio, mester usa Beibel pa repasá e lès.

20 min: Usa Beibel Ora di Duna Kontesta. Konsiderashon ku esnan presente, basá riba E Toren di Vigilansia di 15 di ougùstùs 2002, página 17-18, bou di e suptema “Mustra Amor pa e Bèrdatnan Ku Nos Ta Siña Hende.” Invitá esnan presente pa komentá riba kada pregunta. Demostrá kon un publikadó ta usa e buki Rasonamentu pa duna un kontesta bíbliko na su kolega di trabou ku ta puntr’é: “Dikon boso no ta selebrá pasku?”

Kantika 168 i orashon di konklushon.

[Footnotes]