Programa di Reunion di Sirbishi

Siman di 12 di Yüni

Kantika 218

10 min: Anunsio lokal. Usa e sugerensianan na página 4 òf otro presentashonnan apropiá pa boso teritorio pa demostrá kon pa presentá E Toren di Vigilansia di 1 di yüni i e ¡Despertad! di yüni. Den un di e presentashonnan, laga un publikadó ofresé e revistanan ora e ta duna testimonio informal.

20 min: “Nos Ministerio—Un Obra di Kompashon.”a Segun tempu ta permití, invitá esnan presente pa komentá riba e tekstonan menshoná.

15 min: Konfia “e Esklabo Fiel i Prudente.” Diskurso i konsiderashon ku esnan presente, basá riba kapítulo 3 di e buki Organisá pa Hasi Yehova Su Boluntat.

Kantika 47 i orashon di konklushon.

Siman di 19 di Yüni

Kantika 21

10 min: Anunsio lokal. Anunsio selektá for di Nos Ministerio di Reino.

20 min: Ki Bon Ta un Palabra Duná na Ora! Diskurso i konsiderashon ku esnan presente, basá riba E Toren di Vigilansia di 1 di yanüari 2006, página 16-19. Den un diskurso di introdukshon, resaltá e kuater benefisionan di duna elogio konsiderá bou di e suptema “Efektonan Positivo.” Despues di esei, invitá esnan presente pa komentá riba e siguiente preguntanan: Ken ta esun prinsipal ku meresé elogio? Dikon nos kompañeronan di adorashon ta meresé elogio apropiá? Ki oportunidatnan nos tin pa duna elogio den e kongregashon? Dikon ta bon pa elogiá miembronan di famia, i kon nos por hasi esaki? Bo a yega di haña elogio ku a animá bo òf fortalesé bo?

15 min: “Mustra Interes Personal—Dor di Duna Elogio.”b Inkluí un demostrashon breve den kua un publikadó ta skucha e doño di kas ku atenshon, ta dun’é elogio sinsero i despues ta lesa un teksto di Beibel ku ta apoyá loke e doño di kas a bisa.

Kantika 96 i orashon di konklushon.

Siman di 26 di Yüni

Kantika 63

15 min: Anunsio lokal. Lesa informe di kuenta i e konfirmashon ku sukursal a risibí e donashonnan. Usa e sugerensianan na página 4 òf otro presentashonnan apropiá pa boso teritorio pa demostrá kon pa presentá E Toren di Vigilansia di 15 di yüni i e ¡Despertad! di yüni. Na final di kada presentashon, e publikadó ta hasi un pregunta ku ta pone e doño di kas pensa i ku e publikadó por kontestá na e siguiente bishita, usando e buki Beibel Ta Siña.

15 min: Sirbiendo ku un Kongregashon di Otro Idioma. Diskurso basá riba E Toren di Vigilansia di 15 di mart 2006, página 17-20. Inkluí komentarionan for di e buki Organisá, página 112, paragraf 2. Apliká e informashon na boso situashon lokal. Por entrevistá brevemente un òf dos publikadó ku ta hasi esfuerso pa ekspandé nan ministerio dor di siña un otro idioma.

15 min: Presentá e Bon Nobo den Yüli. Ki temanan ta interesá hende generalmente den boso teritorio? Entrevistá brevemente un òf dos publikadó ku a hasi uso efikas di e buki Beibel Ta Siña i ku kisas a kuminsá un estudio di Beibel. Kaba demostrá kon ta laga e oferta den un presentashon di kas pa kas, usando un presentashon ku a resultá efikas den boso teritorio.—Wak Nos Ministerio di Reino di yanüari 2005 pág. 8 par. 5.

Kantika 208 i orashon di konklushon.

Siman di 3 di Yüli

Kantika 111

10 min: Anunsio lokal. Kòrda e publikadónan pa entregá nan rapòrt di sirbishi di vèlt di luna di yüni, si nan no a hasié ainda.

15 min: Nesesidat lokal.

20 min: “Kon pa Alkansá Bo Metanan Spiritual.”c Invitá e hóbennan den e kongregashon pa konta di nan metanan spiritual i splika kiko nan ta hasiendo pa logra nan. Por hasi areglo delantá pa un òf dos komentario.

Kantika 30 i orashon di konklushon.

[Footnotes]