Foyetonan pa Hende di Religionnan No-Kristian

E Guia di Dios—Nos Kaminda pa Paradeis

Ora di papia ku un mòslem, lo bo por bisa:

“Mi ta hasiendo un esfuerso spesial pa papia ku personanan mòslem. Mi a komprondé ku mòslemnan ta kere den un solo Dios berdadero i den tur e profetanan. Esei ta korekto? [Permití e persona kontestá.] Lo mi tin gana di papia ku bo tokante un profesia antiguo ku ta predisí e transformashon di e tera den un paradeis. Mi por lesa pa bo loke e profeta a skirbi? [Permití e persona kontestá. Kaba lesa Isaias 11:6-9.] E profesia aki ta pone mi kòrda un sita for di Koran ku tin den e foyeto aki.” Bai na página 9, i lesa e sita skirbí ku lèter diki. Si e persona mustra interes, sigui e kòmbersashon dor di trata paragraf 7-9 na página 8.—km-PA 11/99 pág. 8.

Hamas Lo Yega di Tin un Mundu Sin Guera?

Ora di duna testimonio na un hudiu, lo bo por bisa:

“Mayoria di nos a pasa dor di e eksperensia tristu di pèrdè un ser kerí den morto. Kiko bo ta pensa ta sosodé ku nos ora nos muri?” Permití e persona kontestá. Anto mustra e doño di kas e kuadro titulá “Morto i e Alma—Kiko Nan Ta?” na página 22 di e foyeto. Lesa paragraf 17, na página 23 ku ta papia enkuanto e resurekshon. Menshoná ku e patriarka Jòb a karga e speransa di resurekshon. Ofresé e foyeto, i hasi areglo pa bolbe bèk pa papia riba e tekstonan menshoná na fin di paragraf 17.—km-PA 10/99 pág. 8.

Kon pa Haña Pas i Felisidat Duradero

Ora di duna testimonio na un studiante di skol chines, lo bo por bisa:

“Un preokupashon ku mi a ripará ku hopi studiante tin ta ku nan ke pas i felisidat. Bo ta kere ku e kosnan ei ta importante? [Permití e persona kontestá.] Lo no ta maravioso pa mira e palabranan antiguo aki haña nan kumplimentu?” Lesa Salmo 37:11, i ofresé e foyeto.—km-PA 2/98 pág. 5.

“Mira! mi ta traha tur cos nobo”

Lo bo por bisa un hende grandi ku ta budista:

“Kisas meskos ku mi, abo tambe ta preokupá tokante e ola aktual di ideanan degradante, i e efekto ku nan tin riba nos yunan. Dikon inmoralidat a oumentá asina tantu entre hóbennan? [Permití e persona kontestá.] Bo tabata sa ku esaki a wòrdu predisí den un buki ku nan a kuminsá skirbi hopi tempu promé ku a establesé e religionnan islam, kristian i hindú? [Lesa 2 Timoteo 3:1-3.] Tuma nota ku e kondishonnan aki ta reina apesar ku dia pa dia hende ta haña mas konosementu. [Lesa versíkulo 7.] E publikashon aki a yuda mi komprondé e bèrdat ku mayoria hende nunka ta siña. Lo bo deseá di les’é?”—km-S 8/99 pág. 8.

Nos Problemanan—Ken Lo Yuda Nos Solushoná Nan?

Lo bo por bisa un hindú hóben:

“Sin duda, bo ta kere den Dios. Kiko bo ta kere ta Dios su propósito pa nos? [Permití e persona kontestá. Kaba lesa Génesis 1:28.] Den hopi lugá e tera ta sobrepoblá i plagá ku problema. Bo ta kere ku e Kreadó lo ta dispuesto pa yuda nos solushoná nos problemanan?” Permití e persona kontestá. Kaba ofresé e foyeto.—km-PA 9/99 pág. 8.

Pakiko Nos Mester Adorá Dios den Amor i Bèrdat?

Kisas e siguiente presentashon lo por atraé un hindú ku tin un famia:

“Mi ta bishitando hende ku ta preokupá ku e estado di bida di famia den hopi pais awe. Kiko bo ta pensa lo yuda famianan keda huntu? [Permití e persona kontestá.] Tin hende sa kiko e skrituranan hindú ta bisa tokante famia, pero nunka nan no tabatin e oportunidat pa kompará esaki ku loke Beibel tin di bisa riba e tópiko ei. Lo mi kier kompartí e siguiente pensamentu ku bo. [Lesa Kolosensenan 3:12-14.] E foyeto aki ta eksaminá tantu e skrituranan sagrado di India komo e Beibel.” Ofresé e foyeto, i hala atenshon na página 8-9 i 20-1.—km-PA 9/99 pág. 8.