Programa di Reunion di Sirbishi
Siman di 9 di Mei
Kantika 217
10 min: Anunsio lokal. Anunsio selektá for di Nos Ministerio di Reino. Tene dos demostrashon basá riba e sugerensianan na página 8, ku ta mustra kon pa presentá E Toren di Vigilansia di 1 di mei i e ¡Despertad! di 8 di mei. Si nan no ta práktiko pa e teritorio di boso kongregashon, por usa otro presentashonnan realístiko tambe. Den un di e presentashonnan, demostrá kon un publikadó ta ofresé e revistanan informalmente ora e ta hasi uso di transporte públiko.
15 min: Usa e Palabra di Dios pa Yega n’e Kurason. Diskurso basá riba E Toren di Vigilansia di 1 di febrüari 2005, página 28-31. Analisá kon Hesus a usa e Skritura pa yuda Pedro. Konsiderá kon nos por sigui e ehèmpel di Hesus ora ta nesesario pa nos ahustá pensamentu òf sintimentu di nos yunan, studiantenan di Beibel òf asta di nos mes.
20 min: “Traha un Programa di Famia Ku Ta Práktiko.” Den un diskurso di introdukshon di ménos ku dos minüt, enfatisá e balor di traha un programa riba papel i mustra kon pa yena e programa bashí na página 6. Sigui ku un konsiderashon mediante pregunta i kontesta di e artíkulo “Programa di Famia: Reunionnan di Kongregashon.” Animá e rumannan pa konta kiko nan ta hasi pa no laga otro aktividatnan stroba nan di asistí na reunionnan di kongregashon. Lo konsiderá otro aspektonan di e programa di famia durante e siguiente simannan.
Kantika 176 i orashon di konklushon.
Siman di 16 di Mei
Kantika 201
10 min: Anunsio lokal.
15 min: “Programa di Famia: Sirbishi di Vèlt Komo Famia.”a Animá e rumannan pa komentá riba e benefisionan di traha regularmente huntu komo famia den e ministerio.
20 min: “Kon pa Kondusí Estudio di Beibel Progresivo—Parti 9.”b Ora di trata paragraf 2, resaltá un òf dos punto di Nos Ministerio di Reino di desèmber 2004, página 8. Inkluí un demostrashon breve di un estudio di Beibel. Despues di a kaba lès 2 den e foyeto Rekerí, esun ku ta dirigí e estudio ta puntra e studiante: “Kon lo bo splika un amigu ku Dios tin un nòmber?” E studiante ta splika kon lo e usa e nota na Eksodo 3:14, BPK, despues di esei e konduktor di estudio ta elogi’é.
Kantika 134 i orashon di konklushon.
Siman di 23 di Mei
Kantika 194
12 min: Anunsio lokal. Lesa informe di kuenta i e konfirmashon ku sukursal a risibí e donashonnan. Tene dos demostrashon basá riba e sugerensianan na página 8, ku ta mustra kon pa presentá E Toren di Vigilansia di 15 di mei i e ¡Despertad! di 22 di mei. Si nan no ta práktiko pa e teritorio di boso kongregashon, por usa otro presentashonnan realístiko tambe. Den un di e presentashonnan, demostrá kon un publikadó ta partisipá den predikashon den kaya.
18 min: “E Dia di Yehova Ta Serka.”c Ora di prepará e parti aki, konsultá e buki E Profecia di Daniel, página 59, paragraf 28.
15 min: “Programa di Famia: Estudio di Famia.”d Hasi areglo di antemano pa un òf dos ruman konta kon nan ta programá nan estudio di famia i ki esfuerso nan mester hasi pa ten’é regularmente.
Kantika 152 i orashon di konklushon.
Siman di 30 di Mei
Kantika 190
10 min: Anunsio lokal. Kòrda tur publikadó pa entregá nan rapòrt di sirbishi di vèlt di luna di mei. Menshoná e oferta di literatura di yüni. Tene un òf dos demostrashon basá riba e sugerensianan di Nos Ministerio di Reino di yanüari 2005, ku ta mustra kon pa presentá e oferta di luna. Si nan no ta práktiko pa e teritorio di boso kongregashon, por usa otro introdukshonnan realístiko tambe.
20 min: “Programa di Famia: E Teksto di Dia.”e Animá e rumannan pa konta kon nan famia ta benefisiá dor di konsiderá e teksto di dia huntu i ki programa nan a haña práktiko pa logra esei.
15 min: Relatá òf demostrá eksperensianan di sirbishi di vèlt ku rumannan tabatin durante aprel ku mei. Hasi areglo di antemano pa un òf dos ruman konta kon nan a hasi esfuerso pa oumentá nan partisipashon den e ministerio durante e temporada di e Konmemorashon i kiko tabata e bendishonnan ku nan a haña.
Kantika 115 i orashon di konklushon.
Siman di 6 di Yüni
Kantika 155
10 min: Anunsio lokal.
15 min: Nesesidat lokal.
20 min: “Kultivá Interes Mediante un Ruta di Revista.”f Ora di trata paragraf 3, hala atenshon na e buki Rasonamentu, na spañó, página 301-6. Por usa e informashon aki pa prepará un seri di presentashon basá riba un solo teksto ku ta mustra loke e Reino di Dios lo logra. Inkluí un demostrashon ku ta mustra kon un publikadó por usa un presentashon basá riba un solo teksto riba su ruta di revista. Publikadó ta skohe un teksto for di e revista ku el a kaba di laga ku e doño di kas. Brevemente e mester splika i apliká e teksto di tal manera ku e doño di kas por haña un komprondementu korekto i mira ki balor e tin pa su bida.
Kantika 107 i orashon di konklushon.
[Footnotes]
a Limitá komentarionan di introdukshon na ménos ku un minüt, i sigui ku un konsiderashon mediante pregunta i kontesta.
b Limitá komentarionan di introdukshon na ménos ku un minüt, i sigui ku un konsiderashon mediante pregunta i kontesta.
c Limitá komentarionan di introdukshon na ménos ku un minüt, i sigui ku un konsiderashon mediante pregunta i kontesta.
d Limitá komentarionan di introdukshon na ménos ku un minüt, i sigui ku un konsiderashon mediante pregunta i kontesta.
e Limitá komentarionan di introdukshon na ménos ku un minüt, i sigui ku un konsiderashon mediante pregunta i kontesta.
f Limitá komentarionan di introdukshon na ménos ku un minüt, i sigui ku un konsiderashon mediante pregunta i kontesta.