Programanan di Vidio Riba DVD

E DVD titulá Seri di Dokumentario—Alternativanan pa Transfushon ta kontené tres programa di vidio. Strategianan Alternativo pa Transfushon: Simpel, Safe i Efektivo ta spesialmente pa dòkter- i studiantenan di medisina. P’esei e tin mas esenanan médiko ku e otro dos programanan. Asistensia Médiko sin Transfushon: Kumpliendo ku Nesesidat i Derecho di Pashènt ta spesialmente pa reporteronan médiko, funshonarionan di salubridat, trahadónan sosial i huesnan. E ta trata kon pa perkurá pa e nesesidatnan médiko di pashèntnan i na mes momentu rekonosé nan derechonan legal. Sin Sanger—Medisina Ta Aseptá e Reto ta prinsipalmente pa e públiko general. E DVD ta presentá e vidionan na ingles ku e opshon pa skucha nan na aleman, franses, hapones, ingles, italiano, portugues (di Brazil), ruso i spañó. Mustra e programanan aki libremente na bo dòkter, studiantenan di Beibel, kasá òf famianan ku no ta Testigu, maestronan, koleganan di trabou òf kompañeronan di skol.