Programa di Reunion di Sirbishi

Siman di 10 di Novèmber

Kantika 212

10 min: Anunsio lokal i Anunsio selektá for di Nos Ministerio di Reino. Usando e sugerensianan na página 4, tene dos demostrashon realístiko ku ta mustra kon pa presentá e Toren di Vigilansia di 1 di novèmber i e Spièrta! di 8 di novèmber den boso teritorio. Den kada presentashon mester ofresé ámbos revista, maske e publikadó ta papia riba unu so. Den un dje demostrashonnan, duna un splikashon kon nos trabou mundial ta ser finansiá.—Wak E Toren di Vigilansia, pág. 2 òf Spièrta! pág. 5.

15 min: “Sea Prepará.”a Invitá e ouditorio pa komentá riba loke ta yuda nan evitá ku ansiedat i distraishonnan di e sistema di kosnan aktual ta kita tempu for di nan ku nan lo por usa mihó den aktividatnan spiritual.

20 min: Kon Bo Ta Skohe Esnan Ku Bo Ta Anda Kuné? Konsiderashon ku ouditorio basá riba e buki Adorá Dios, página 47-9. Usa e preguntanan i tekstonan sitá den paragraf 13, i invitá e ouditorio pa duna komentario ku ta mustra kon prinsipionan di Beibel mester guia nos den e manera ku nos ta skohe esnan ku nos ta anda kuné.

Kantika 127 i orashon di konklushon.

Siman di 17 di Novèmber

Kantika 96

12 min: Anunsio lokal. Entrevistá dos òf tres publikadó ku tabatin eksperensia interesante den sirbishi di vèlt usando e oferta di literatura aktual. Podisé algun di nan por a kuminsá un studio di Beibel.

15 min: Kultivá un Spiritu di Duna. Diskurso, na enkargo di un ansiano, basá riba E Toren di Vigilansia di 1 di novèmber 2003, página 27-30.

18 min: “Elogio Ta Refreská.”b Inkluí komentarionan for di e buki Felicidad den Famia, página 49-50, paragraf 21. Invitá rumannan pa konta brevemente kon palabranan di elogio di otronan a animá nan.

Kantika 58 i orashon di konklushon.

Siman di 24 di Novèmber

Kantika 213

12 min: Anunsio lokal. Informe di kuenta. Usando e sugerensianan na página 4, tene dos demostrashon ku ta mustra kon pa presentá e Toren di Vigilansia di 15 di novèmber i ¡Despertad! di 22 di novèmber. Por usa un otro teksto ku no ta esun menshoná na página 4. Den kada presentashon mester ofresé ámbos revista, maske e publikadó ta papia riba unu so. Den un di e presentashonnan, demostrá kon pa ofresé e revistanan di un manera informal den transporte públiko òf den un otro marko di sirkunstansia apropiá pa boso teritorio.

10 min: Kaha di Pregunta. Diskurso na enkargo di un ansiano.

23 min: “Kon pa Kultivá un Relashon Íntimo ku Yehova.”c Usa e preguntanan ku tin. Laga e ouditorio mustra kon e tekstonan ta apliká. Hasi areglo di antemano pa un òf dos persona splika kiko a yuda nan mehorá e kalidat di nan studio personal di Beibel.

Kantika 202 i orashon di konklushon.

Siman di 1 di Desèmber

Kantika 138

10 min: Anunsio lokal. Kòrda publikadónan pa entregá nan rapòrt di sirbishi di vèlt di novèmber. Menshoná e oferta di literatura pa desèmber. Repasá brevemente un òf dos presentashon ku a ser sugerí anteriormente. Splika kon publikadónan por usa e Indèks di Publikashonnan Watch Tower pa nan haña mas presentashon.—Wak Nos Ministerio di Reino di sèptèmber 2001, pág. 2.

15 min: Nesesidat lokal.

20 min: Sufisiente Kapas pa Siña Otro Hende. Konsiderashon ku ouditorio basá riba E Toren di Vigilansia di 1 di yüni 2000, página 16-17, paragraf 9-13. E meta prinsipal di nos sirbishi ta pa siña hende di un manera efikas. Nos éksito den yuda hende ku tin kualidat di karné, ta dependé di nos abilidat pa transmití e mensahe di Reino na un manera ku ta eduká nan i motivá nan. Trata e siguiente preguntanan: (1) Kiko ta e diferensia entre prediká i siña hende? (it-2-S pág. 694 §8 [it-2-E pág. 672 §2]) (2) Dikon algun publikadó ta vasilá pa kuminsá un studio di Beibel? (3) Kon nos por mehorá nos abilidat di siña otro hende? (4) Kon nos por hasi sigur ku nos studiante ta komprondé loke e ta siñando? (5) Ki meta nos mester purba yuda e studiante logra?

Kantika 70 i orashon di konklushon.

[Footnotes]