Programa di Reunion di Sirbishi
Siman di 11 di Ougùstùs
Kantika 101
10 min: Anunsio lokal. Anunsio selektá for di Nos Ministerio di Reino. Usando e sugerensianan na página 8, tene dos demostrashon ku ta mustra kon pa presentá E Toren di Vigilansia di 1 di ougùstùs i e ¡Despertad! di 8 di ougùstùs. Den kada presentashon mester ofresé ámbos revista huntu, maske e publikadó ta papia riba unu so. Den un di e presentashonnan, demostrá kon pa trata ku e opheshon ku por para kòmbersashon: “Mi ta okupá.”—Wak e foyeto chikí Con pa Cuminsá i Continuá Consideracionnan Bíblico, página 11 (òf buki Rasonamentu, página 19).
15 min: “Imitá Yehova Su Bondat.”a Invitá e ouditorio pa konta eksperensianan breve ku ta demostrá kon aktonan di bondat a habri kaminda pa duna un testimonio. Elogiá e kongregashon pa e esfuerso ku nan ta hasi pa yuda rumannan den fe.
20 min: “E Bendishonnan di e Sirbishi di Pionero.”b Usa e preguntanan ku tin. Invitá un òf dos pionero pa komentá riba e bendishonnan ku nan a haña dor di traha pionero. Menshoná ku e rumannan ku ta interesá den e sirbishi di pionero por haña un solisitut serka e sekretario.
Kantika 11 i orashon di konklushon.
Siman di 18 di Ougùstùs
Kantika 82
12 min: Anunsio lokal. Informe di kuenta. Trata e artíkulo “Programa Nobo pa Dia Spesial di Asamblea.” Anunsiá e fecha di e siguiente dia spesial di asamblea i urgi tur hende pa asistí. Si e asamblea ta bai tuma lugá den un par di luna, menshoná ku esnan ku ta deseá di batisá mester informá e superintendente presidente.
15 min: “Trabou Ku Ta Refreská.”c Hasi areglo di antemano pa dos òf tres ruman komentá riba kon e sirbishi kristian ta refreská nan.
18 min: “Laga Nos Mantené Nos Lugá di Adorashon den Bon Kondishon.”d (Paragraf 1-5) Usa e preguntanan ku tin. Na paragraf 3 ku 4, repasá e areglonan lokal di limpiesa di Salòn di Reino. Trata kualkier asuntu ku tin mester di atenshon. Elogiá e kongregashon pa nan esfuerso den mantené e lugá di adorashon debidamente.
Kantika 114 i orashon di konklushon.
Siman di 25 di Ougùstùs
Kantika 175
10 min: Anunsio lokal. Usando e sugerensianan na página 8, tene dos demostrashon ku ta mustra kon pa presentá E Toren di Vigilansia di 15 di ougùstùs i e ¡Despertad! di 22 di ougùstùs. Den kada presentashon mester ofresé ámbos revista huntu, maske e publikadó ta papia riba unu so. Mustra kon un mayor ku un yu teenager ta train pa traha ku revista. Nan ta repasá brevemente loke nan ta bai bisa di kada presentashon promé ku nan demostr’é.
15 min: Nesesidat lokal.
20 min: Tuma un Kurashi pa Prediká. (1 Tes. 2:2) Un diskurso ku partisipashon di ouditorio. Splika dikon hopi ruman ta sinti un poko miedu pa aserká hende ku e mensahe di Reino. Esaki ta konta asta pa rumannan ku tin hopi aña aktivo. Konta algun di e eksperensianan ku a sali den e siguiente edishonnan di Toren di Vigilansia: 1 di desèmber 1999, página 25; 15 di desèmber 1999, página 25; i 1 di aprel 1996, página 31. Invitá ouditorio pa komentá riba kon nan a logra tuma un kurashi pa kompartí e bon nobo na okashonnan ku nan tabatin un poko miedu. Konkluí ku e animashon pa buska fortalesa serka Yehova, basá riba E Toren di Vigilansia di 15 di desèmber 1999, página 23-4.
Kantika 125 i orashon di konklushon.
Siman di 1 di Sèptèmber
Kantika 84
10 min: Anunsio lokal. Kòrda publikadónan pa entregá nan rapòrt di sirbishi di vèlt di ougùstùs. Menshoná e oferta di literatura pa sèptèmber. Hasi areglo di antemano pa un òf dos ruman konta eksperensianan edifikante ku nan tabatin ora nan a prediká informalmente den e temporada di kongreso di distrito, durante un fakansi òf na otro okashonnan den e temporada di fakansi.
15 min: Bo Ta Kumpli ku Bo Promesa di Bolbe Bèk? Un diskurso ku partisipashon di ouditorio basá riba E Toren di Vigilansia di 15 di sèptèmber 1999, página 10-11, bou di e suptema “Otro Maneranan pa Kumpli ku Nos Promesanan.” Ora nos topa hende den sirbishi ku ta mustra interes, normalmente nos ta hasi areglo pa sigui ku e kòmbersashon na un otro ora. Nos ta bolbe bèk fielmente manera nos a primintí? Repasá e prinsipionan bíbliko ku mester motivá nos pa kumpli ku nos promesa. Invitá ouditorio pa konta eksperensianan ku ta mustra kon nan a ser bendishoná dor di no a tarda pa bolbe bèk.
20 min: “Laga Nos Mantené Nos Lugá di Adorashon den Bon Kondishon.”e (Paragraf 6-12) Usa e preguntanan ku tin. Enfatisá e importansia di mantené e Salòn di Reino debidamente, resaltando e kuadro ku tin na página 5. Inkluí un informe breve di e kondishon di boso Salòn di Reino, i menshoná e plannan ku tin pa hasi reparashon òf pa mehorá e salòn.
Kantika 41 i orashon di konklushon.
[Footnotes]
a Limitá komentarionan di introdukshon na ménos ku un minüt, i sigui ku un konsiderashon mediante pregunta i kontesta.
b Limitá komentarionan di introdukshon na ménos ku un minüt, i sigui ku un konsiderashon mediante pregunta i kontesta.
c Limitá komentarionan di introdukshon na ménos ku un minüt, i sigui ku un konsiderashon mediante pregunta i kontesta.
d Limitá komentarionan di introdukshon na ménos ku un minüt, i sigui ku un konsiderashon mediante pregunta i kontesta.
e Limitá komentarionan di introdukshon na ménos ku un minüt, i sigui ku un konsiderashon mediante pregunta i kontesta.