Programa di Reunion di Sirbishi

Siman di 14 di Yüli

Kantika 56

10 min: Anunsio lokal. Anunsio selektá for di Nos Ministerio di Reino. Usando e sugerensianan na página 4, tene dos demostrashon realístiko ku ta mustra kon pa presentá E Toren di Vigilansia di 1 di yüli i e Spièrta! di 8 di yüli den teritorio di e kongregashon. Den kada presentashon mester ofresé ámbos revista huntu, maske e publikadó ta papia riba unu so.

15 min: Kon Adorashon di Yehova Ta Enrikesé Nos Bida? Konsiderashon ku ouditorio. Adorashon berdadero ta e klave pa un bida felis i ku propósito. (1) E ta yuda nos trata ku problema- i ansiedatnan di bida. (Fil. 4:6, 7) (2) E ta animá nos pa kultivá kualidatnan ku ta agradá Dios. (2 Ped. 1:5-8) (3) E ta yuda nos usa nos tempu i rekursonan den e manera ku mas ta bale la pena. (1 Tim. 6:17-19) (4) E ta duna nos un speransa sigur pa futuro. (2 Ped. 3:13) (5) E ta yuda nos kultivá un relashon íntimo ku Yehova. (Sant. 4:8) Mustra kon di otro banda, hende ku no konosé Yehova ni ta sirbié no tin e kosnan aki.

20 min: “Gratitut pa Dios Su Miserikòrdia.”a Na paragraf 3, duna sugerensia kon pa kuminsá un ruta di revista, basá riba Nos Ministerio di Reino di òktober 1998, página 8. Puntra un òf dos publikadó kapas ki introdukshonnan nan a haña ta efikas pa kuminsá studio di Beibel. Animá tur publikadó pa pone meta pa kuminsá i kondusí un studio di Beibel.—om-PA pág. 91.

Kantika 176 i orashon di konklushon.

Siman di 21 di Yüli

Kantika 184

10 min: Anunsio lokal. Informe di kuenta.

10 min: “Programa Nobo di Asamblea di Sirkuito.” Diskurso i konsiderashon ku ouditorio. Anunsiá fecha di e siguiente asamblea di sirkuito. Si e kongregashon ta bai tin asamblea den un di e lunanan ku ta bin, menshoná ku esnan ku ta deseá di batisá mester informá e superintendente presidente. Animá tur publikadó pa hasi un esfuerso spesial pa invitá nan studiantenan di Beibel, i pa nan mes tambe ta presente na tur seshon.

25 min: Imitá Nan Kurashi den e Trabou di Prediká. Konsiderashon ku ouditorio basá riba e buki Adorá Dios, página 170-1. Invitá e ouditorio pa kontestá e preguntanan den paragraf 7 i inkluí e tekstonan den nan komentario. Skohe algun teksto pa ser lesá. Resaltá e lèsnan ku nos ta saka for di e relatonan aki i kon nan ta yuda nos haña e punto di bista korekto di nos asignashon di prediká.

Kantika 201 i orashon di konklushon.

Siman di 28 di Yüli

Kantika 45

10 min: Anunsio lokal. Kòrda e publikadónan pa entregá nan rapòrt di sirbishi di vèlt di yüli. Usando e sugerensianan na página 4, tene dos demostrashon pa mustra kon por presentá E Toren di Vigilansia di 15 di yüli i e ¡Despertad! di 22 di yüli. Den kada presentashon mester ofresé ámbos revista, maske e publikadó ta papia riba unu so. Den un di e demostrashonnan, mustra kon e publikadó ta duna testimonio informal.

15 min: Nesesidat lokal.

20 min: “Duna Testimonio den Grupo Ta Trese Goso.”b Na paragraf 3, inkluí komentario basá riba e Kaha di Pregunta di Nos Ministerio di Reino di sèptèmber 2001. Tene un entrevista breve ku un superintendente di Studio di Buki di Kongregashon. Puntr’é ki areglo di sirbishi el a hasi pa su grupo di studio di buki, i kon e rumannan den su grupo ta benefisiá dor di traha huntu den sirbishi.

Kantika 36 i orashon di konklushon.

Siman di 4 di Ougùstùs

Kantika 178

10 min: Anunsio lokal. Menshoná e oferta di literatura pa e luna aki. Demostrá un òf dos presentashon breve ku por ser usá.

20 min: “Ofresiendo Literatura den un Teritorio Multilingwe.”c Usa e preguntanan duná. Na paragraf 4, demostrá un presentashon simpel na un idioma stranhero ku hende ta papia den e teritorio lokal i pa kua no tin kongregashon.—km-PA 7/02 pág. 1 par. 4.

15 min: Hóbennan Ta Alabá Yehova! Diskurso ku konsiderashon ku ouditorio i entrevista. Nos ta gusta tende hóbennan duna komentarionan bon prepará na reunion. Nan diligensia i progreso den e Skol di Ministerio Teokrátiko ta un goso pa nos. Nan ta demostrá berdadero fe dor di duna bon testimonio den sirbishi. Nan kondukta deboto ta onra Yehova. (yb88-S pág. 52-3) Nan progreso spiritual ta sirbi komo un base pa privilegionan den futuro. Tene un entrevista kòrtiku ku dos òf tres hóben kristian ku ta partisipá regularmente den aktividatnan di kongregashon. Duna elogio sinsero na hóbennan den kongregashon pa nan ekselente esfuersonan pa alabá Yehova.

Kantika 49 i orashon di konklushon.

[Footnotes]