Programa di Reunion di Sirbishi

Siman di 12 di Mei

Kantika 1

10 min: Anunsio lokal. Anunsio selektá for di Nos Ministerio di Reino. Usando e sugerensianan na página 8, tene dos demostrashon separá kon pa presentá E Toren di Vigilansia di 1 di mei i e Spièrta! di 8 di mei. Den kada presentashon ta ofresé ámbos revista huntu, maske e publikadó ta papia riba unu so, i menshoná tambe e areglo di donashon.

20 min: Mayornan, Yuda Boso Yunan Hasi Progreso. Un diskurso ku ta trata e puntonan sobresaliente for di e buki Skol di Ministerio, página 9-12 i 21-38. Animá mayornan pa usa un parti di e informashon aki den nan studio di famia ku e meta di train nan yunan pa hasi progreso den sirbishi. Hala atenshon na puntonan spesífiko ku por wòrdu usá pa yuda yunan hóben desaroyá e abilidatnan nesesario.

15 min: “Konfiá ku e Bon Nobo.”a Hasi areglo di antemano pa un òf dos publikadó splika brevemente kon nan a logra ahustá nan sirkunstansia personal pa asina por partisipá mas den e trabou di prediká.

Kantika 46 i orashon di konklushon.

Siman di 19 di Mei

Kantika 62

15 min: Anunsio lokal. Informe di kuenta. Trata e artíkulo “Konstrukshon Internashonal di Salòn di Reino den Algun Pais Europeo.” Menshoná ku konstrukshon di Salòn di Reino tantu den paisnan di poko rekurso komo den e teritorio lokal di sukursal ta ser sostené ku kontribushon di e Fondo di Salòn di Reino.

15 min: Nesesidat lokal.

15 min: “Alabá Yehova dor di Duna Testimonio Informal.” Diskurso i konsiderashon ku ouditorio. Ora di trata paragraf 3, puntra e ouditorio kiko nos por bisa pa kuminsá un kòmbersashon bíbliko den algun di e siguiente situashonnan: (1) pará den rei pa paga na kaha, (2) ora di usa transporte públiko, (3) na un bisiña ku ta trahando den kurá, (4) na un kolega na trabou i (5) na un kompañero di klas na skol. Hasi areglo di antemano pa un publikadó konta un eksperensia lokal ku ta mustra kon e tabatin éksito den duna testimonio informal.

Kantika 135 i orashon di konklushon.

Siman di 26 di Mei

Kantika 174

10 min: Anunsio lokal. Kòrda tur publikadó pa nan entregá nan rapòrt di sirbishi di mei. Usando e sugerensianan na página 8, tene dos demostrashon separá kon pa presentá E Toren di Vigilansia di 15 di mei i e ¡Despertad! di 22 di mei. Den kada presentashon ta ofresé ámbos revista huntu, maske e publikadó ta papia riba unu so. Na konklushon di un di e presentashonnan, laga e tratado Lo Bo Kier Sa Mas Tocante Bijbel? ku un doño di kas ku no a tuma e revistanan.

10 min: Kaha di Pregunta. Un diskurso. Repasá brevemente algun di e sugerensianan pa hasi un presentashon na telefon ku a sali den Nos Ministerio di Reino di febrüari 2001, página 6, paragraf 12-15, òf otro sugerensianan ku a duna bon resultado den e teritorio lokal.

25 min: “E Palabra di Dios Ta Bèrdat.”b Usa e preguntanan den e artíkulo. Invitá e ouditorio pa bisa kon nan a wòrdu yudá pa siña e bèrdat ora ku publikadónan a usa e Beibel pa kontestá nan preguntanan. Na paragraf 4, laga un publikadó kapas demostrá kon pa usa Beibel na e bishita inisial, usando algun di e sugerensianan ku a sali den e artíkulo “Manehá e Palabra di Dios Korektamente.”—km-PA 12/01 pág. 1 par. 3-4.

Kantika 188 i orashon di konklushon.

Siman di 2 di Yüni

Kantika 210

10 min: Anunsio lokal. Repasá un òf dos sugerensia for di e suplemento di Nos Ministerio di Reino di yanüari 2002 ku ta mustra kon pa presentá e foyeto Rekerí i e buki Conocimentu.

20 min: Matrimonio Onorabel Ta un Rekisito Divino. Diskurso i partisipashon di ouditorio. Den hopi pais ta normal pa parehanan biba huntu sin ta kasá legalmente. Tin hende ta pretendé ku esaki tin bentahanan práktiko. Resaltá e punto di bista bíbliko, i enfatisá ku matrimonio a originá ku Dios. (rs-S pág. 234-6 [rs-E pág. 248-9]) Biba kompañá sin ta kasá ta fornikashon. (fy-PA pág. 17) Investigashon a demostrá ku kontrario na loke hopi hende ta kere, biba huntu promé ku kasamentu ta redusí e probabilidat ku e matrimonio lo tin éksito. (g02-S 8/3 pág. 29; g92-S 8/9 pág. 28; g91-S 8/5 pág. 28) Kristiannan ta onra Yehova dor di kumpli ku su normanan. Dor di hasi esei nan ta benefisiá nan mes tambe.—Isa. 48:17, 18.

15 min: Ki Benefisio Bo Ta Sakando? Konsiderashon ku ouditorio na enkargo di e superintendente di skol. Na yanüari nos a kuminsá ku un estilo nobo di e Skol di Ministerio Teokrátiko. Repasá brevemente algun di e rasgonan nobo di e skol. Resaltá e resultadonan positivo ku te asina leu tabata bisto. Mas persona a inskribí den e skol? E rumannan tabata mas dispuesto pa partisipá? Kon e studiantenan di e skol ta benefisiá di e areglo nobo di duna konseho? Invitá e ouditorio pa konta kon nan personalmente a benefisiá te asina leu i kon nan ta sinti ku e programa nobo lo yuda nan den futuro.

Kantika 225 i orashon di konklushon.

[Footnotes]