Programa Di Reunion Di Sirbishi
Siman di 12 di November
Cantica 170
8 min: Anuncionan local. Anuncionan selectá for di Nos Ministerio di Reino.
15 min: “Dependé Riba Jehova pa Haña Fortalesa.”a Incluí comentarionan breve basá riba E Toren di Vigilancia di 1 di october 1999, página 18-19, paragraf 6-8.
22 min: “Nos Tin un Herment Nobo pa Cuminsá Studio!” Consideracion cu auditorio na encargo dje superintendente di sirbishi. Si e tratado nobo Lo Bo Kier Sa Mas Tocante Bijbel? ta disponibel, laga ushernan duna tur hende presente un ehemplar. Demostrá dos presentacion bon prepará, usando e sugerencianan dje cuadro “Kico Nos Por Bisa dje Revistanan.” Un publicadó ta presentá E Toren di Vigilancia di 15 di november, i un otro ta presentá e ¡Despertad! di 22 di november. Un doño di cas no ta aceptá revista i e otro sí ta aceptá. Den ámbos caso e publicadó ta concluí entregando e doño di cas e tratado Sa Mas Tocante Bijbel. Animá tur publicadó pa duna e tratado nobo na tur hende cu nan topa den sirbishi.
Cantica 191 i oracion di conclusion.
Siman di 19 di November
Cantica 172
8 min: Anuncionan local. Informe di cuenta.
15 min: Necesidadnan local.
22 min: “Desaroyá Bo Facultadnan Perceptivo.”b Un anciano ta conducí un repaso animá dje programa di dia special di asamblea dje aña di sirbishi cu a pasa.
Cantica 195 i oracion di conclusion.
Siman di 26 di November
Cantica 177
15 min: Anuncionan local. Corda publicadónan pa entregá nan raport di sirbishi di veld di november. Usa e sugerencianan di e cuadro “Kico Nos Por Bisa dje Revistanan” pa demostrá dos presentacion di revista bon prepará: unu usando E Toren di Vigilancia di 1 di december i e otro usando e Spierta! di 8 di december. Caba splica con pa busca i haña un presentacion pa ofrecé e buki Homber mas importante of un dje otro publicacionnan cu por ofrecé durante december. Bai den Index di Publicacionnan Watch Tower bou di “Presentacion” i e encabesamentu secundario “Lista Segun Publicacion.” Duna un of dos ehempel. Corda tur publicadó pa haci bon uso dje tratado Lo Bo Kier Sa Mas Tocante Bijbel?
15 min: “Di Unda Mi Ta Saca Tempu?” Discurso i consideracion cu auditorio. Incluí puntonan principal for di E Toren di Vigilancia di 1 di october 2000, página 20-1, paragraf 9-10, bou dje subtema “Con Algun Ruman Ta Traha Tempu pa Studia.” Invitá auditorio pa relatá maneranan práctico cu nan a saca tempu pa cosnan mas importante dor di eliminá actividadnan innecesario. Enfatisá cu ta necesario pa un persona programá su tempu pa studio personal i di famia, pa reunionnan di congregacion, sirbishi di veld i pa lesa Bijbel tur dia.
15 min: Muchanan Ta Alabá Jehova. Consideracion cu auditorio. Mayoria congregacion tin hopi mucha cu ta participá den e trabou di predicá. Ta na su lugá pa nan haci esei, maske cu esaki ta nificá cu mayoria biaha nan tin cu predicá na hende grandi. (Sal. 148:12, 13; Mat. 21:15, 16) Ora mayornan i otro publicadó ta mustra interes den nan, ta percurá entrenamentu i animacion, muchanan ta disfrutá di sirbishi di veld. Invitá auditorio pa sugerí maneranan pa enbolbé muchanan den e trabou di cas pa cas i di haci rebishita. Pidi mayornan relatá kico nan a haci pa yuda nan yunan siña ofrecé revista, usa Bijbel den nan presentacionnan i papia cu confiansa na porta. Enfatisá e beneficionan di elogiá mucha. Entrevistá un of dos publicadó hóben, i laga nan conta kico nan ta gusta dje trabou di predicá i di con.
Cantica 198 i oracion di conclusion.
Siman di 3 di December
Cantica 179
8 min: Anuncionan local.
17 min: Rasgonan dje Buki Razonamentu. Consideracion cu auditorio. Trata e siguiente ehempelnan cu ta mustra con vários rasgo dje buki ta masha útil pa splica siñansanan bíblico. E definicionnan: manera e definicion di “Reino” (spañó, pág. 300; ingles, pág. 225-6) of e definicion di “spiritu” (spañó, pág. 136; ingles, pág. 380). Un variedad di traduccion di Bijbel pa compará: por ehempel na unda i con e nomber di Dios ta ser usá den nan (spañó, pág. 198-200; ingles, pág. 191-3) of pa indicá e berdad tocante fiernu (spañó, pág. 187-8; ingles, pág. 169-70). Listanan: tin ta detayá creencianan cu ta separá nos for di otro religion (spañó, pág. 380-1; ingles, pág. 199-201) of ta mustra con un persona por sa cua religion ta esun corecto (spañó, pág. 315-6; ingles, pág. 328-30). Antecedente histórico: ta revelá por ehempel e orígen di Pascu (spañó, pág. 111-3; ingles, pág. 176-8) of e posicion neutral dje promé cristiannan (spañó, pág. 266-9; ingles, pág. 273-5). Evidencia científico: pa apoyá creacion (spañó, pág. 87-9; ingles, pág. 85-6) of pa mustra con perhudicial marihuana i uso di tabaco ta (spañó, pág. 126-9; ingles, pág. 108-11). Animá publicadónan pa usa e excelente medio aki pa instruí ki ora cu presentá un oportunidad den sirbishi di veld.
20 min: “Bendicionnan Cu Aprecio pa e Amor di Jehova Ta Trece Cuné—Parti 1.”c Ora di trata paragraf 3-6, invitá e congregacion pa relatá experencianan animador cu nan tabatin den e trabou di cas pa cas, predicando riba caya i ora di haci rebishita i conducí studio di Bijbel.
Cantica 200 i oracion di conclusion.
[Footnotes]
a Limitá comentarionan di introduccion na ménos cu un minuut, i sigui cu un consideracion mediante pregunta i contesta.
b Limitá comentarionan di introduccion na ménos cu un minuut, i sigui cu un consideracion mediante pregunta i contesta.
c Limitá comentarionan di introduccion na ménos cu un minuut, i sigui cu un consideracion mediante pregunta i contesta.