Programa di Reunion di Sirbishi

Siman di 8 di Januari

Cantica 29

7 min: Anuncionan local. Anuncionan selectá for di Nos Ministerio di Reino.

13 min: “Laga Boso Lus Briya.”a Incluí comentario for di E Toren di Vigilancia di 1 di juni 1997, página 15, §12-13. Animá tur presente pa probechá di tur oportunidad pa duna testimonio.

25 min: Percuracionnan Amoroso pa Cuida Nos Salú. Discurso na encargo di un anciano cualificá, basá riba e carta i boskeho di Sociedad fechá 1 di december 2000. Enfatisá cu nos ta logra e mihó proteccion hurídico posibel contra transfusion indeseá dor di yena e karchi di Instruccion/Exoneracion Médico Delantá. Despues dje reunion djawenochi, publicadónan bautisá lo por haña un karchi nobo di Instruccion/Exoneracion Médico Delantá, pero NO mester yena e karchi aki awenochi na reunion. E congregacion mester tin na man un cantidad suficiente pa distribuí na cada famia. Na fin dje siguiente Studio di Buki di Congregacion lo firma i fecha nan dilanti testigo, cu yudansa dje conductor di studio di buki si ta necesario. Esnan cu ta firma como testigo mester realmente mira e doño dje karchi firma e documento. Conductornan di studio di buki mester haci sigur cu tur esnan asigná na nan grupo ta ricibí e yudansa necesario pa yena e karchi di Instruccion/Exoneracion Médico Delantá. Mayornan lo por ricibí Karchi di Identificacion pa nan yunan despues dje reunion aki. Publicadónan no-bautisá lo por skirbi nan propio instruccion pa usa pa nan mes i nan yunan dor di adaptá e palabranan dje karchi aki na nan propio circunstancia i conviccion.

Cantica 1 i oracion di conclusion.

Siman di 15 di Januari

Cantica 51

10 min: Anuncionan local. Informe di cuenta.

15 min: Necesidadnan local.

20 min: Bo Ta Examinando e Scritura Diariamente? Discurso cu entrevista. Considerá E Toren di Vigilancia di 15 di december 1996, página 17-18, §12-14, i resaltá e sabiduria di tene como famia un consideracion diario dje texto di dia. Entrevistá miembronan di famia, di cua cada un ta corda un consideracion recien dje texto di dia cu a resultá masha beneficioso i laga nan bisa di con. Enfatisá cu esaki mester ta parti di un programa regular di studio di famia diseñá pa fortalecé nos famia di cas i mantené nan activo den e ministerio.

Cantica 67 i oracion di conclusion.

Siman di 22 di Januari

Cantica 90

7 min: Anuncionan local.

18 min: Con pa Prepará Introduccion. Discurso cu demostracion. Repasá puntonan clave for dje buki Razonamentu, página 9. Mustra con nos por scoge e introduccionnan cu ta pas mas mihó cu nos estilo, nos personalidad i nos teritorio. Repasá algun introduccion cu por usa cu e foyeto Rekerí, i tene un of dos demostracion di nan. (Wak Nos Ministerio di Reino di april 1997, página 8.) Animá tur publicadó pa den nan actividad di sirbishi di veld nan haci bon uso dje sugerencianan cu tin den e buki Razonamentu i den Nos Ministerio di Reino.

20 min: “Ser un Bon Scuchadó.” Discurso i consideracion cu auditorio. Repasá puntonan for dje buki Guia pa Scol, página 27-8, §15-17. E mihó test pa sa con bon nos ta scucha, ta cuantu nos por corda. Invitá auditorio pa mencioná algun punto sobresaliente cu nan ta corda cu participantenan den e Scol di Ministerio Teocrático djawenochi a trata.

Cantica 96 i oracion di conclusion.

Siman di 29 di Januari

Cantica 139

10 min: Anuncionan local. Corda publicadónan pa entregá raport di sirbishi di veld di januari. Mencioná e oferta di literatura pa februari, i resaltá e bukinan cu e congregacion tin na stock.

15 min: Siña e Berdad Tocante Dios. Discurso. Lanta anticipacion pa e Studio di Buki di Congregacion for dje foyeto Bo Mester Kere den Trinidad? E argumentonan bíblico convincente usá den e foyeto Bo Mester Kere den Trinidad? no solamente ta yuda nos establecé cu Trinidad ta un doctrina falsu cu mester ser rechasá, sino tambe ta yuda nos pa por splica otro hende e berdad tocante Dios, su Yu i e spiritu santu. E Palabra di Dios mes ta refutá e doctrina di Trinidad. Bijbel ta mustra bon cla cu Jehova Dios ta e Tata amoroso i cu Jesucristo ta su Yu stimá, un Yu cu tabatin asina un amor pa su Tata cu e tabata dispuesto pa keda obediente te na morto. Tin hende ta pretendé cu tin textonan bíblico cu ta parce di apoyá Trinidad. Nos consideracion dje foyeto Trinidad durante e studio di buki lo examiná algun dje pretencionnan aki i lo considerá di con e doctrina aki a bira un parti asina importante di cristiandad i di unda el a originá. Animá hóbennan pa participá den e consideracionnan semanal na studio di buki. Tur ruman lo kier asistí cu regularidad, ya cu nan ta ansioso pa siña mas tantu posibel for di cada les.

20 min: “Mayornan—Inculcá Custumbernan Útil den Boso Yunan.” Discurso cu entrevista di mayornan kende nan yunan ta bai bon spiritualmente. E mayornan ta refleccioná riba e cosnan positivo cu nan a haci pa logra cu nan yunan ta participá den e ministerio di veld. Segun tempu permití, incorporá sugerencianan for dje buki Felicidad den Famia, página 55-9.

Cantica 149 i oracion di conclusion.

Siman di 5 di Februari

Cantica 168

10 min: Anuncionan local.

15 min: “Ser un Hacidó Felis.”b Mustra kico ta aumentá nos goso den e sirbishi di Dios, manera e buki Perspicacia (na spañó) ta describí bou di “Goso,” Volúmen 1, página 1033, §5-7 [na ingles, Volúmen 2, página 120, §6-8].

20 min: Bo Por Haña Diberticion Sano. Un famia ta considerá conseho duná den e Spierta! (na spañó) di 22 di mei 1997. Tata ta preocupá cu e actividadnan di recreo dje famia. Despues di repasá brevemente “Kico A Pasa cu Diberticion?” (página 4-7), nan ta enfocá riba e tipo di diberticion cu por ta sano i probechoso. Considerá e informacion den e buki Nos Ministerio, página 131-2, bou di “Recreo,” i página 135-6, bou di “Haci Tur Cos p’e Gloria di Dios.” Enfatisá e papel di mayornan pa hiba delantera i e necesidad pa miembronan di famia cooperá na beneficio di henter e famia di cas.

Cantica 190 i oracion di conclusion.

[Footnotes]