Programa di Reunion di Sirbishi

Siman di 9 di October

Cantica 11

8 min: Anuncionan local. Anuncionan selectá for di Nos Ministerio di Reino.

12 min: “Presta Atencion na Dios Su Obranan Maraviyoso.” Limitá comentario di introduccion na ménos cu un minuut, i sigui cu un consideracion mediante pregunta i contesta. Señalá un par di ilustracion den e buki nobo cu ta edificá aprecio pa e profecia di Isaías.

25 min: “E Milenio Nobo—Kico Futuro Tin pa Bo?” Un consideracion entusiasmá na encargo dje superintendente di sirbishi. Despues di lesa e anuncio cu tin den e carta di Sociedad fechá 3 di juli 2000, dirigí na e ancianonan, distribuí un ehemplar di Noticia di Reino Num. 36 pa cada persona presente. Despues considerá e artículo mediante pregunta i contesta. Describí areglonan local pa cubri henter e teritorio. Considerá con pa yuda esnan nobo i muchanan cualificá como publicadónan no-bautisá. Demostrá un presentacion breve. Enfatisá pakico ta necesario pa tur publicadó participá plenamente den e campaña aki.

Cantica 53 i oracion di conclusion.

Siman di 16 di October

Cantica 104

10 min: Anuncionan local. Informe di cuenta. Corda tur publicadó cu durante actividad di fin di siman ta presentá E Toren di Vigilancia i Spierta! huntu cu e Noticia di Reino Num. 36.

15 min: “Hermentnan Cu Ta Educá, Motivá i Fortalecé.” (§1 i 2 so.) Un discurso. Repasá brevemente con Sociedad a drenta den produccion di video. (Mira e buki Proclamadónan, página 600-601.) Animá tur hende pa wak e video Testigonan di Jehova—E Organisacion Tras dje Nomber como preparacion pa e consideracion den Reunion di Sirbishi dje siman di 30 di october. Esnan cu tin e video por fia esnan cu no tin e, of podisé nan por wak e huntu.

20 min: Nos Tur Por Demostrá e Spiritu di Pionero. Consideracion entre un conductor di studio di buki i su asistent, basá riba E Toren di Vigilancia di 15 di october 1997, página 22-3. Considerá di con lo ta bon si tin mas pionero den e congregacion, i con tur ruman por contribuí pa alcansá e meta aki. Trata tambe maneranan pa animá esnan cu actualmente ta traha pionero pa nan sigui, i con tur ruman den congregacion por desaroyá celo pa e ministerio.

Cantica 131 i oracion di conclusion.

Siman di 23 di October

Cantica 150

10 min: Anuncionan local.

15 min: Necesidadnan local.

20 min: Prepará Bon pa Reunion. Discurso i consideracion cu auditorio. E beneficionan cu nos ta saca for di reunion ta dependé mashá di cuantu esfuerso nos ta hinca den preparacion. Repasá e sugerencianan práctico cu a ser ofrecé den E Toren di Vigilancia di 1 mart 1998, página 15-16, §8-11. Invitá auditorio pa comentá con nan ta desaroyá e iniciativa necesario i ta haña tempu pa prepará bon.

Cantica 211 i oracion di conclusion.

Siman di 30 di October

Cantica 167

8 min: Anuncionan local. Corda publicadónan pa entregá nan raport di sirbishi di veld di october.

12 min: Experencianan Ofreciendo Noticia di Reino Num. 36. Pidi vários publicadó pa relatá resultadonan animador cu nan a disfrutá di dje te asina leu den distribucion di Noticia di Reino Num. 36. Invitá pioneronan regular i auxiliar pa expresá nan aprecio pa e mayor actividad cu tin durante e campaña aki i e oportunidad cu nan tin di traha cu diferente publicadó.

25 min: Testigonan di Jehova—E Organisacion Tras dje Nomber. Consideracion cu auditorio. Trata e preguntanan cu tin den §3 dje artículo “Hermentnan Cu Ta Educá, Motivá i Fortalecé.” Duna sugerencianan tocante con por usa e video pa yuda personanan interesá cera mihó conocí cu nos organisacion. Incluí un of dos experencia breve.—Mira E Toren di Vigilancia na spañó di 1 di october 1992, página 30-1.

Cantica 15 i oracion di conclusion.

Siman di 6 di November

Cantica 198

15 min: Anuncionan local. Repasá con ta bai cu distribucion di Noticia di Reino Num. 36. Informá cuantu teritorio a traha te asina leu i kico lo ta necesario pa completá e teritorionan pa dia 17 di november.

20 min: Kico Nos Ta Kere? Un ruman homber ta rebishitá un persona cu a puntra: “Kico Testigonan di Jehova ta siña cu ta haci nan distinto for di otro religion?” Considerá e puntonan tratá den e cuadro na página 6 di E Toren di Vigilancia di 1 di october 1998. Splica con otro religionnan ta ignorá of rechasá e berdadnan bíblico básico aki na fabor di siñansa di hende.

10 min: Cantamentu—Un Parti Importante di Nos Adoracion. Un conductor di studio di buki ta combersá cu dos publicadó tocante nan cantamentu na reunionnan di congregacion. El a ripará cu nan ta canta un poco flou. E ta compartí cu nan algun punto for di E Toren di Vigilancia di 1 di februari 1997, página 27-8. Manera E Toren di Vigilancia di 1 di juli 1999, página 20, §12, ta sugerí, nan ta analisá e letranan di un dje canticanan pa canta na e Studio di Toren di Vigilancia pa e siman ei. Dor di tuma cantamentu na serio, nos ta hinca bida den expresá alabansa sincero na Jehova.

Cantica 223 i oracion di conclusion.