ARTÍKULONAN DI ESTUDIO

Yehova a konfia mayornan ku un tarea presioso pero a la bes serio: siña nan yunan pa sirbié. E dos artíkulonan akí ta bai mustra kon mayornan por kumpli ku e responsabilidat ei segun ku nan ta imitá Hesus i tres di su kualidatnan: amor, humildat i disernimentu.

E promé di e dos artíkulonan akí ta mustra bon kla ku Yehova ta un Dios di amor. E ta splika tambe kon Dios a manifestá su amor pa humanidat. E di dos artíkulo ta splika kon sirbidónan di Yehova ta mustra amor pa próhimo.

E artíkulo akí ta repasá loke a ser lográ durante e promé 100 añanan di e Reino pa proklamá e bon notisia. Ki hèrmènt i métodonan inovativo nos rumannan a usa den e trabou di hasi disipel? Kon a prepará e predikadónan di Reino durante e añanan ei?