ARTÍKULONAN DI ESTUDIO

E artíkulo akí ta mustra ki efekto e rebeldia ku a tuma lugá den Hòfi di Edén tabatin riba tantu hende hòmber komo hende muhé. Ademas, e ta trata ehèmpel di algun hende muhé di pasado ku a keda fiel na Dios. E artíkulo ta papia tambe di e papel ku ruman muhénan ta hunga awe den e propósito di Dios.

Tur publikadó di Reino ke ta eksitoso den e trabou di prediká. P’esei, e artíkulo akí ta duna algun sugerensia práktiko pa yuda nos usa e Palabra di Dios i nos tratadonan den sirbishi pa kuminsá kòmbersashon i alkansá e personanan su kurason.

Nos tur mester hasi esfuerso pa nos tin un bon relashon ku nos Kreador. Yehova a tuma inisiativa pa hala nos serka dje. E artíkulo akí ta mustra bon kla kon Yehova ta hasi esei mediante su Palabra i e reskate.

Pa nos por kana den e bèrdat, nos mester skucha Yehova. Kon nos por obedesé Yehova apesar di Satanas su trampanan i nos deseonan pekaminoso ku por stroba nos di hasi esei? E artíkulo akí lo yuda nos mira tambe e importansia di tin bon komunikashon ku e Dios berdadero.