Kiko Ta e Último Sena?

KIKO ta bini na bo mente ora bo tende e ekspreshon “e último sena”? Hopi hende lo pensa riba e famoso pintura na Milan, Italia, ku e pintor Leonardo da Vinci (1452-1519) a dibuhá den plafon. Sí, atraves di siglonan hopi artista, eskritor i músiko a usa e Último Sena komo tema pa nan obranan.

Pero kiko ta e Último Sena, i kiko e ta nifiká pa hende ku ta biba den siglo 21? Si bo puntra un kristian “kiko ta e Último Sena”?, lo e bisa bo ku esei ta e sena ku Hesukristu tabatin ku su apòstelnan e anochi promé ku el a sakrifiká su bida. Tabata e último sena di Hesus ku su fiel siguidónan, p’esei pa tradishon e ta ser yamá e Último Sena. I dor ku ta Señor Hesukristu mes a instituyé, tambe por yam’é e Sena di Señor.

Den transkurso di historia, hopi hende a sakrifiká nan bida pa loke nan a konsiderá kousanan digno. Algun di e mortonan aki a benefisiá sierto hende pa un periodo di tempu. Pero, pa digno di mérito ku e morto di e hendenan aki ku a sakrifiká nan bida por tabata, nan no ta nada na komparashon ku e morto di Hesukristu. Ademas, niun morto den e historia turbulento di humanidat lo por tin un efekto universal di un alkanse asina largu. Dikon nò?

Pa kontestá e pregunta ei i pa yuda bo haña sa kiko e Sena di Señor ta nifiká pa bo, nos ta invitá bo pa lesa e siguiente artíkulo.