“Ken A Duna Lus na Gotanan di Serena?”

UN PERIODISTA di siglo 19 a describí gotanan di serena como “tera su hoyanan líkido cu e aire ta forma.” Nos Creador a puntra e patriarca di antigwedad, Job: “Ken a duna lus na e gotanan di serena?” (Job 38:28) Dios tabata recordá Job dje orígen divino dje precioso serena.

Fuera di su briyo, esta, su bunitesa manera hoya, Bijbel ta asociá serena cu bendicion, fertilidad, abundancia i conserbacion di bida. (Génesis 27:28; Deuteronomio 33:13, 28; Zacarías 8:12) Durante e temporada cayente i di secura den Israel, “e serena di Hermon” a conserbá e vegetacion dje pais, i asina tambe e pueblo. Ceru di Hermon yen di selva i su topnan cubrí cu sneu ainda ta producí vapor parti anochi cu ta condensá i forma un abundancia di serena. E salmista, David, a compará e refrescamentu cu serena ta trece cu e experencia placentero di biba den unidad cu co-adoradónan di Jehova.—Salmo 133:3.

Profeta Moises su instruccionnan na Israel tabata suave i refrescante, manera gotanan di serena. El a bisa: “Mi dicho lo lek manera serena, mescos cu awaceru suave riba yerba i manera awaceru fuerte riba vegetacion.” (Deuteronomio 32:2) Awe Testigonan di Jehova ta declará e bon nobo dunadó di bida tocante e Reino di Dios te na e parti mas lehano dje tera. (Mateo 24:14) Dios ta extendiendo e invitacion: “‘Bin!’ I laga ken cu tin sed bini; laga ken cu kier tuma e awa di bida grátis.” (Revelacion 22:17) Miyones di hende di tur nacion ta aceptando e refrescamentu spiritual aki cu Dios ta ofrecé, loke por sostené bida eternamente.