Siñando For di Erornan di Pasado

E LEYNAN moral di nos Creador ta eterno i incambiabel. P’e motibu aki e principio hañá na Galationan 6:7 ta aplicá awe: “Kico cu hende sembra, esaki lo e cosechá tambe.” Ta cierto cu un persona por nenga cu e tin cu duna cuenta na Dios, pero e regla divino ta keda constante. Na final di cuenta, ningun hende ta sali liber dje consecuencianan di su accionnan.

Kico di un persona cu ta hiba un bida con-cu-ta i despues ta cambia i bira un sirbidó di Dios? Kisas tog e tin cu biba cu e consecuencianan di su estilo di bida anterior. Sin embargo, esaki no ta nificá cu Dios no a pordon’é. Rey David su adulterio cu Bat-seba a trece hopi calamidad den su bida. E no por a scapa di esaki. Pero el a repentí, i el a ricibí pordon di Dios.—2 Samuel 12:13-19; 13:1-31.

Bo a yega di sintí bo desanimá ora bo ta sufri e consecuencianan di erornan cu bo a cometé? Si bo wak bon, sinti duele por sirbi pa recordá nos pa ‘vigilá pa nos no acudí na loke ta perhudicial.’ (Job 36:21) Sí, sinti duele por yuda nos evitá di ripití un malecho. Mihó ainda, David a usa e experencia cu el a gana for dje picá cu el a cometé pa beneficiá no solamente su mes, sino otronan tambe. El a bisa: “Lo mi siña e transgresornan bo camindanan, pa pecadónan mes por bira bek directamente na bo.”—Salmo 51:13.

[Plachinan na página 7]

David a siña for di su picá cu Bat-seba