Suficiente Alimento p’e Mundu Ta Garantisá Via Cua Medio?

“NOS mihó esfuersonan tal bes no ta basta pa garantisá suficiente alimento manera nos a conocé pa mayor parti dje siglo aki,” segun Lester Brown, presidente dje Worldwatch Institute na Washington, D.C. Segun e revista New Scientist, na comienso di 1995, e reserva mundial di grano a baha n’e cantidad mas abou cu nunca di 225 miyon ton—suficiente pa alimentá e mundu pa solamente 48 dia. Den añanan anterior ora reservanan di grano a baha bou dje marca di 60 dia, tabata posibel p’e suministro subi bek. Pero awor Worldwatch no ta sigur si e tera por recobrá di su pérdidanan.

Despues di tres aña di mal cosecha i cu mas pais den desaroyo usando grano pa alimentá nan bestianan di crio, tin ménos grano disponibel pa hende pober cu tin mester di dje como un parti básico di nan dieta. New Scientist ta spierta cu si e situacion no ricibí atencion inmediato, e mil miyon hendenan cu ta gasta por lo ménos 70 porciento di nan entrada na cuminda lo por cuminsá sufri di hamber.

Bijbel a profetisá cu e habitantenan dje tera den nos tempu lo experenciá “scarcedad di cuminda.” (Lucas 21:11) Sin embargo, Dios no ta indiferente pa cu e problema. Realmente, lo e mustra su interes profundo pa hende su situacion penoso finalmente ora su Reino tuma control di asuntunan dje tera. N’e tempu ei “e tera mes siguramente lo duna su producto.” “Lo yega di tin abundancia di grano riba e tera; riba top dje cerunan lo tin sobreabundancia.” (Salmo 67:6; 72:16) E tempu ei e palabranan profético aki relacioná cu e Creador lo ser cumplí: “Bo a dirigí bo atencion n’e tera, pa bo dun’é abundancia . . . E yanuranan abou mes ta lorá den grano.”—Salmo 65:9, 13.

E promesa maraviyoso ei ta atraé bo? Lo bo kier sa con bo por ta parti di dje? E ora ei pidi Testigonan di Jehova contá bo mas tocante e Paradijs primintí aki e siguiente biaha cu nan yama na bo porta. Si bo kier pa un hende bishitá bo na cas pa conducí un studio di Bijbel grátis cu bo, por fabor, skirbi Watchtower, P.O. Box 4708, Curaçao, N.A., of n’e adres mas cumbiniente mencioná na página 2.

[Rekonosementu pa Potrèt na página 32]

Potret chikitu: Pictorial Archive (Near Eastern History) Est.