Ora “Ningun Bientu ta e bon Bientu”

“ORA un homber no sa cua haf ta su destinacion, ningun bientu ta e bon bientu [no ta importá den ki direccion e bientu ta supla].” E palabranan aki, atribuí n’e filósofo romano di promé siglo, Lucius Annaeus Seneca, ta confirmá un berdad reconocé pa hopi tempu: Pa bida por tin direccion, metanan ta esencial.

Sin embargo, hopi biaha bida ta un drifmentu sin propósito. Hopi hende ta contentá nan mes cu simplemente evitá e barancanan i e remolinonan dje bida di tur dia. Sin un posicion fiho, nan ta bira manera ola cu ta ser “hibá padilanti dor di bientu un momento i halá bek dor dje siguiente.” (Santiago 1:6, “Phillips”) Pa hende asina, “ningun bientu ta e bon bientu.”

Bijbel ta duna ehempel di esnan cu tabatin meta den bida, sirbiendo asina como modelo ehemplar pa cristiannan awe. Moises “a mira atentamente n’e pagamentu dje recompensa.” (Hebreonan 11:26) Pablo a skirbi: “Mi ta core stret den direccion dje meta pa mi por gana e premio.” El a animá compañeronan creyente pa “tin e mésun actitud aki.”—Filipensenan 3:14, 15, “Today’s English Version.”

Cu nos bista atentamente fihá riba e promesanan di Bijbel, laga nos imitá e fe di hende asina cu tabatin meta den nan bida.—Compará cu Hebreonan 13:7.