‘O, Mare Cu Tur Hende Tabata Manera Nan!’

Esakinan tabata e palabranan di un columnista den e corant di Luxemburg Letzebuerger Journal. Di ken e tabata papiando?

El a bai Polonia pa asistí na un celebracion dje di 50 aniversario di liberacion dje campo di concentracion Auschwitz i a ripará cu un grupo cu a sufri masha hopi ei nunca a ser mencioná. Den su columna di 2 di februari, 1995, el a identificá e grupo aki como Testigonan di Jehova i a skirbi: “Ni e detencion of campo di concentracion di mas severo, ni e menasa di muri miserablemente den baraknan di hamber of bou di hacha of guiotina no por a pone nan rechasá nan fe.” El a sigui: “Asta e brutal wardianan SS a keda asombrá dje curashi cu cua Testigonan di Jehova a bai na nan morto.”

Testigonan di Jehova no tabata kier a bira mártirnan. Pero, mescos cu e cristiannan den e promé siglo, miles di nan a scoge morto mas bien cu comprometé principionan cristian. Tal fe a marca nan como sobresalientemente distinto den e dianan scur dje régimen nazi.

E columnista a concluí: “O, mare cu tur hende tabata manera Testigonan di Jehova!” Si tabata asina, e segundo guera mundial lo no a tuma lugá nunca.