Jehova Lo Salba e Tera

UN AEROPUERTO situá riba un dje islanan di Maldives ta cerá tur dia pa vários ora. Pakico? Pasobra ora tin marea haltu awa ta inundá e pista, haciend’e peligroso pa avion aterisá. Algun científico ta teme cu e nivel di laman n’e islanan di Maldives por subi por lo ménos 1 meter den e siguiente siglo. Aunke esaki ta parce un cantidad insignificante, un aumento asina lo por eliminá siete nacion di isla completamente for di mapa. En berdad, segun e UN Chronicle, un subida di 2 meter di e nivel di laman lo por dera prácticamente henter e archipiélago, mas of ménos 1.200 isla!

Kico ta e causa dje subida di nivel di laman? Segun e Programa di Medio Ambiente di NU, polucion dje atmósfera dje tera dor di “gasnan envernadero [‘broeikaseffect’]” ta haci laman den regionnan mas cayente expandé, capanan di ijs i gletchernan dirti, i p’esei, ta haci nivel di laman subi. Instituto Panos, cu base na Londen, ta bisa cu polucion “posiblemente a iniciá un catástrofe global desaroyando lentamente cu ta cambia asta e fronteranan di tera i laman.”

E existencia di calentamentu global ainda ta ser debatí entre científiconan. Sin embargo, nos por ta sigur cu problemanan ambiental lo no stroba e propósito di Dios. “E tera productivo ta firmemente establecí,” Bijbel ta declará. “Nunca lo e wordu tambaleá.” (1 Crónicanan 16:30) Jehova tin control riba e tera su medio ambiente, i nos por alegrá cu pronto lo e salba tantu e tera como humanidad for di ruina.—Salmo 24:1, 2; 135:6; 2 Pedro 3:13.

[Plachi Rekonosementu na página 31]

Pintura basá riba potret di NASA