“Mescos cu e dianan di un Palu”

MAS cu tres mil aña pasá, Moises a skirbi: “E dianan di nos añanan ta setenta aña; i si debí na poder special nan ta ochenta aña, tog nan insistencia ta riba afan penoso i cosnan perhudicial.”​—⁠Salmo 90:⁠10.

Apesar di progreso médico, hende su duracion di bida ainda ta mescos cu e tabata den tempu di Moises. No obstante, sernan humano lo no ta condená pa semper na un existencia pasahero asina. Den e buki bíblico di Isaías, Dios a bisa: “Mescos cu e dianan di un palu e dianan di mi pueblo lo ta; i e obra di nan mannan mi scogínan lo usa cabalmente.”​—⁠Isaías 65:⁠22.

Un di e palunan cu ta biba mas largu den teranan bíblico ta e palu di olijfi. E palu riba e potret aki ta un dje hopi palunan di olijfi di mil aña bieu cu ainda ta abundá na Galilea. Na ki tempu hende lo biba asina largu? E mésun profecia ta splica cu esei lo ta ora Dios crea “cielu nobo i un tera nobo.”​—⁠Isaías 65:⁠17.

E buki di Revelacion tambe ta profetisá dje establecimentu di “un cielu nobo i un tera nobo”​—⁠un gobiernu celestial nobo i un sociedad humano nobo ora Dios “lo seca tur lágrima di nan wowo, i morto lo no existí mas, tampoco lo tin mas lamento ni sclamacion ni dolor.”​—⁠Revelacion 21:​1, 4.

E promesa divino aki pronto lo ser realisá. E tempu ei, asta e dianan di un palu di olijfi lo parce manera un simpel dia di 24 ora. I nos lo tin tempu na abundancia pa disfrutá cabalmente dje obra di nos mannan.