“Mi ta maraviyosamente trahá”

“DI UNDA mi a bini?” Esei ta un pregunta cu casi tur mucha ta haci na un tempo of otro. Ora e muchanan ta bira grandi, hopi bez nan pregunta ta bira mas profundo: “Di unda bida a bini?” E pregunta a ser considerá pa miles di aña, i actualmente hopi hende científico ta considera evolucion como e contesta mas razonabel pe misterio dje origen di bida. Básicamente, e splicacion di evolucionista ta cu bida a cuminza pa casualidad.

Rond di 3.000 aña pasá, rey David a skirbi: “Mi ta ser trahá maraviyosamente di manera inspirador di temor.” (Salmo 139:14) Mientras mas nos ta siña tocante bida, mas berdad nos ta mira den e palabra ei. En berdad, e físico Fred Hoyle a skirbi: “Como bioquímico ta descubri mas i mas tocante complicacion asombroso di bida, ta keda bisto cu e posibilidad di su origen pa casualidad ta asina chikito mes cu nos por despidi di esei completamente. Bida no por a cuminza pa casualidad.”

Pues, di ki manera bida por a origina? E dos artículo den e principio dje revista aki ta considera e asunto. Si bo kier mas informacion, haci fabor di skirbi Watchtower, P.O. Box 4708, Curaçao, N.A., of na un direccion apropiado den e lista riba bladji 2.