“Testigo di Jehova?”

E PREGUNTA anterior a presenta como título den e Boletín dje Universidad di Helsinki na idioma finlandés. Bao dje título tabatin un carta cu profesor Jorma Palo a skirbi i el a bisa en parti: “Mi a examina cu mas cuidao e seyo di nos universidad imprimí riba e capa dje Boletín. Meimei dje parti superior, mi a mira un texto hebreo, i mi a pidi mi invitado hudío splicámi su nificacion. Segun e escolástico, cu ta conoce hebreo, e palabra ta ‘Jehova’ den finlandés.”

E presencia dje nomber personal di Dios riba e seyo dje universidad finlandés a soprende algun hende. Pero, realmente, e universidad tabata fundá 350 aña pasá, i ne tempo ei, e nomber di Jehova tabata conocí i usá den tur parti di Europa. E nomber ta skirbí riba edificio público, placa, i seyo incontable, dje tempo ei.—Mira e foyeto E nomber divino cu lo permanece pa semper.

Den nos siglo, cristiandad no ta usa e nomber di Dios mas, i a perde hopi dje interés cu tabata manifestá den dje na antes. Un grupo so ta usa e nomber divino den adoracion i ta publiqué na tur parti, di acuerdo cu e promé peticion den e oracion “Nos Tata”: “Nos Tata cu ta den cielo, santificá sea bo nomber.” (Mateo 6:9) P’sei, ora e nomber tabata identificá riba e seyo dje universidad, hopi hende a corda Testigo di Jehova un bez.

[Rekonosementu di plachi na página 32]

Yliopisto