Demostra Bo Amor Pa Dios

Pa bo keda amigu cu un persona, bo mester papia cuné. Bo ta scuch’é i e ta scucha bo. Tambe bo ta papia cos bon di bo amigu cu otronan. Esaki ta e caso tambe ora bo ta un amigu di Dios. Considerá loke Bijbel ta bisa tocante esaki:

Papia cu Jehova regularmente den oracion. “Perseverá den oracion.”—Romanonan 12:12.

Lesa Bijbel, e Palabra di Dios. “Tur Scritura ta inspirá di Dios i probechoso pa siña, pa reprendé, pa rectificá cosnan.”—2 Timoteo 3:16.

Siña otronan tocante Dios. “Bai pues, i haci disipel di hende di tur nacion, . . . siñando nan pa warda tur loke mi a manda boso.”—Mateo 28:19, 20.

Hala cerca e amigunan di Dios. “Esun cu ta cana cu hende sabí lo bira sabí.”—Proverbionan 13:20.

Asistí na reunionnan na Salon di Reino. “Laga nos considerá otro pa incitá otro na amor i na obranan excelente, . . . animando otro.”—Hebreonan 10:24, 25.

Yuda sostené e trabou di Reino. “Laga cada un [duna] net manera el a determiná den su curason, no di mala gana ni bou di obligacion, pasobra Dios ta stima un dunadó alegre.”—2 Corintionan 9:7.