Dios Su Amigunan Ta Haci Loke Ta Bon

Ora bo tin un amigu cu bo ta admirá i respetá, bo ta purba di ta manera e. Bijbel ta bisa: “Jehova ta bon i recto.” (Salmo 25:8) Pa ta amigu di Dios, nos mester ta bon i recto. Bijbel ta bisa: “Bira imitadónan di Dios, manera yunan stimá, i sigui cana den amor.” (Efesionan 5:1, 2) Ata aki algun manera pa haci esei:

Yuda otronan. “Laga nos obra loke ta bon pa cu tur.”—Galationan 6:10.

Traha duru. “Laga esun cu ta horta no horta mas, sino mas bien lagu’e haci trabou duru, haciendo cu su man loke ta bon trabou.”—Efesionan 4:28.

Keda físicamente i moralmente limpi. “Laga nos limpia nos mes di tur contaminacion di carni i di spiritu, perfeccionando santidad den temor di Dios.”—2 Corintionan 7:1.

Trata miembronan di bo famia cu amor i respet. “Laga cada un di boso . . . stima su esposa mescos cu su mes; en cambio, e esposa mester tin respet profundo pa su esposo. Yunan, sea obediente na boso mayornan.”—Efesionan 5:33–6:1.

Mustra amor na otronan. “Laga nos sigui stima otro, pasobra amor ta bini for di Dios.”—1 Juan 4:7.

Obedecé e ley dje pais. “Laga tur alma sea sumiso na [gobiernu] . . . Rindi na tur loke ta debí na nan, na esun cu ta exigí belasting, belasting.”—Romanonan 13:1, 7.