Promé Sámuèl

7 E hòmbernan di Kíriat-Yearim a bai kohe Arka di Yehova, i nan a pon’é den kas di Abínadab,+ ku tabata keda riba un seru. Anto nan a nombra* Abínadab su yu hòmber Eleazar pa e vigilá Arka di Yehova.

2 A pasa basta tempu, un 20 aña asina, for di dia ku nan a trese e arka Kíriat-Yearim. I henter e nashon* di Israel a kuminsá buska Yehova.+ 3 Anto Sámuèl a papia ku henter e nashon* di Israel; el a bisa nan: “Bolbe serka Yehova di henter boso kurason;+ deshasí di e diosnan falsu*+ i di e imágennan di Ástorèt+ i sirbi Yehova ku henter boso kurason i adorá e so.+ E ora ei, lo e libra boso for di man di e filisteonan.”+ 4 E israelitanan a deshasí di e imágennan di Baal i di e imágennan di Ástorèt, i nan a kuminsá sirbi Yehova so.+

5 Sámuèl a bisa: “Reuní henter Israel na Mispa,+ i lo mi hasi orashon na Yehova pa boso.”+ 6 E israelitanan a bini huntu na Mispa; nan a saka awa i bash’é dilanti di Yehova.* E dia ei, nan a yuna+ i bisa: “Nos a peka kontra Yehova.”+ Na Mispa, Sámuèl a kuminsá fungi komo hues+ di e israelitanan.

7 Ora e filisteonan a haña sa ku e israelitanan tabata na Mispa, e gobernantenan di e filisteonan+ a sali pa subi bai ataká Israel. E israelitanan a haña sa, i nan a haña miedu di e filisteonan. 8 Nan a bisa Sámuèl: “No stòp di sklama* na Yehova, nos Dios, pa e yuda nos,+ sí, pa e salba nos for di man di e filisteonan.” 9 Sámuèl a kohe un lamchi di karné ku tabata na lechi, i el a ofres’é hinté komo ofrenda kimá+ na Yehova. Despues, Sámuèl a resa na Yehova pa e israelitanan, i Yehova a kontest’é.+ 10 Miéntras ku Sámuèl tabata ofresé ofrenda kimá, e filisteonan a yega pa ataká Israel. Ma Yehova a laga bos* zona asina duru+ e dia ei ku e filisteonan a drenta pániko.+ Anto e israelitanan a derotá nan.+ 11 E hòmbernan di Israel a persiguí nan* di Mispa te zùit di Bèt-Kar i mata nan. 12 E ora ei, Sámuèl a kohe un piedra+ i pon’é entre Mispa i Yesana. El a yama e piedra Ebenézer,* i el a bisa: “Te awe, Yehova ta yudando nos.”+ 13 E israelitanan a derotá e filisteonan, i nan no a invadí teritorio di Israel mas.+ Tanten ku Sámuèl tabata na bida,* Yehova a keda tene e filisteonan bou di kontrol.+ 14 E statnan ku e filisteonan a kita for di Israel, for di Ékròn te Gat, a bolbe bira di Israel. Sí, Israel a konkistá e teritorionan ku e filisteonan a kita for di nan.

Anto tabata reina pas entre e israelitanan i e amoreonan.+

15 Awor, Sámuèl a sigui sirbi komo hues di Israel tur e dianan di su bida.+ 16 Tur aña, e tabata hasi un gira: E tabata pasa Bètel,+ Guilgal+ i Mispa.+ Na tur e lugánan akí, e tabata fungi komo hues di Israel. 17 Semper e tabata bai Rama+ bèk, pasobra ta einan e tabatin su kas. Na Rama tambe e tabata fungi komo hues di Israel. Na Rama, Sámuèl a traha un altar pa Yehova.+