Paimano ed leksab

a Wala ray Bible scholar ya mangibabagan say angalaan nen Judas na insulat to et diad sakey ya apokripal ya libro a tatawagen ya Libro nen Enoc, pero saray akasulat ditan et produkto labat na imahinasyon ya ag-amtay nanlapuan to, insan da labat imbaga ya si Enoc so nansulat ed satan. Duga met iray wadtan ya abitlan propesiya nen Enoc, balet nayarin say angalaan da ed satan nensaman et anggapo la natan—balanglan akasulat odino imbaga labat. Nayarin satan met so angalaan nen Judas, odino naamtaan to itan ed si Jesus, ya nen wala nid tawen et naobserbaan ton mismo so impanbilay nen Enoc.