Paimano ed leksab

a Sakbay na rebolusyon nen Oktubre 1917, say daan a kalendaryon Julian so uusaren ed Russia, balet maslak a bansa et manguusar la na kalendaryon Gregorian. Nen 1917, say kalendaryon Julian so atrasado na 13 agew no ikompara ed Gregorian. Kayari na rebolusyon, saray Sobyet so angusar la na kalendaryon Gregorian, kanian manlapud saman et mipara la ed arum a bansa ed mundo so kalendaryon uusaren ed Russia. Balet, inusar nin siansia na Iglesian Ortodokso so kalendaryon Julian parad saray selebrasyon da, a tinawag da itan a “Karaanan” a kalendaryo. Nayarin narerengelan yo a seselebraan so Krismas ed Russia diad Enero 7. Balet, tandaan a say Enero 7 ed kalendaryon Gregorian et Disyembre 25 ed kalendaryon Julian. Kanian onia so impangorganisa na dakel a Ruso ed saray selebrasyon da: Disyembre 25, Krismas ed Sagur; Enero 1, sekular a Balon Taon; Enero 7, Ortodokso a Krismas; Enero 14, Karaanan a Balon Taon.