Paimano ed leksab

c Agnirespeto na saray saserdote iray bagat diad duaran paraan. Unona, espisipikon insulat ed Ganggan no anto ran parte na inyapay a bagat so iter ed saray saserdote ya kanen da. (Deu. 18:3) Balet aliway gagawaen na saray mauges ya saserdote diman ed tabernakulo. Mangibaki ira na ariripen ya mangiturok na baleg a tinidor ed talyasin panlalambungay karne tan mangala ray partin labalabay da. Komadua, sano awiten na totoo iray bagat da pian poolan diad altar, ibaki na saray mauges a saserdote so aripen da pian puersaen imay mangibabagat ya ikdan ira na tariwan karne anggano agni niyapay so taba ed si Jehova.​—Lev. 3:3-5; 1 Sam. 2:13-17.