Saray Kurakot ya Politiko​—No Antoy Gawaen na Panarian na Dios

Labay na totoo iray napantiwalaan ya lider na gobierno. Balet naeekal so tiwala da ed saray kurakot ya politiko. Base ed sakey ya survey ya im-publish nen 2023, dakel so angibaga ya agda masyadon pantitiwalaan iray lider na gobierno.a

Ibabaga na Biblia ya walay sakey ya gobierno ya say Manuley et napantiwalaan, matua, tan aliwan kurakot. Satan ya gobierno et say Panarian na Dios, tan si Jesu-Kristo so Lider.​—Isaias 9:7.

Apatunayan la nen Jesus ya talagan imamalasakit to iray totoo. (Mateo 9:35, 36) Bilang Ari ed Panarian na Dios, iter toy hustisya tan kareenan ed amin ya manpasakop ed uley to.​—Salmo 72:12-14.