Pisalamatan Mi Jehova Lapud Panangaro Yo

Impanengneng na kongregasyon ed Tesalonica so panangaro da ed saray kapara dan Kristiano anggano mairap so kipapasen da. (2Te 1:3, 4) Ontan met so panangaro ya ipapanengneng na saray Tasi nen Jehova natan parad saray agagi da diad interon mundo. Naamtaan ed serye na saray artikulo ya “Saray Panguusaran na Donasyon Yo” diad jw.org no panon ya natutulongan iray agagi panamegley na saray donasyon yo legan na sarayan mairap ya panaon. Kokomendaan mi kayo lapud panangaro tan mabulos ya pandodonasyon yo.

BANTAYAN SO VIDEO YA NAYNAY KAMIN ‘MISALAMAT ED DIOS LAPUD SIKAYO,’ INSAN EBATAN IRAYAN TEPET:

• Anto ray arum ya kimey ya pakakausaran na saray donasyon tayo?

• Antoy sankaabigan ya paraan pian natulongan tayod pinansyal iray agagi tayon mankaukolan?—Nengnengen met so artikulo ed jw.org ya “Papanoan na Saray Sulok Iray Kulang”