MAGMALIW YA EPEKTIBO ED MINISTERYO | GAWAM YA MAS MAKAPALIKET SO MINISTERYOM
Usaren Iray Uusaren Tayo ed Pan-research
Pian magmaliw tayon epektibo ed panagbangat, iikdan itayo nen Jehova na saray uusaren, singa saray video, tract, magasin, brosyur, libro, tan say manuna ed saratan, say Biblia. (2Ti 3:16) Iikdan to tayo met na saray uusaren ed pan-research ya ontutulong ed sikatayon mangipaliwawa ed Kasulatan. Kaibad saratan so Watchtower Library, JW Library® app, Watchtower ONLINE YA LIBRARYA™, tan say Giya ed Pan-research na Saray Tasi nen Jehova.
Seguradon panliketan moy pankotkot na saray espiritual a kayamanan no usaren moy amin ya uusaren ed pan-research ya available ed sika. Ibangat mo iray iyaaralan mo no panon ton usaren iratan. Diad ontan et panliketan da met so pandiskobre na saray ebat ed saray mismon tepet da ed Biblia.
BANTAYAN SO VIDEO NA DRAMATIZATION YA NALIKNAM SO LIKET ED KIMEY A PANAGBANGAT—AWATEN SO TULONG NEN JEHOVA—USAREN IRAY UUSAREN ED PAN-RESEARCH, INSAN EBATAN IRAYAN TEPET:
Antoy imbaga nen Jade ya onkontra ed katuaan nipaakar ed impamalsa?
Iner so akalmoan nen Neeta na impormasyon nipaakar ed satan ya topic?
Manliket tayo no makalmo tayoy espiritual a kayamanan insan tayo inabang ed arum
Panon ya nampili si Neeta na impormasyon ya talagan onaplika ed si Jade?
Antoy epekto ed si Neeta na impangusar tod saray uusaren tayo ed pan-research?