BILAY NA KRISTIANO

Manpaabeba—Ag-irarayew so Sarili

Say pangirayew ed sarili tan panlastog et tanda na panagpaatagey tan aliwan makapabiskeg ed arum. Kanian ibabaga na Biblia: “Paulyan mon sananey a too so mangirayew ed sika, aliwan say dilin sangim.”—Pro 27:2.

BANTAYAN SO VIDEO YA MAGMALIW YA KAARO NEN JEHOVA—MAGMALIW YA MAPAABEBA, INSAN EBATAN IRAYA:

Anto ray mabetbet ya ilalastog na saray totoo?
Antoy ilalastog nen Caleb ed kaaro to?
Antoy imbaga na papa nen Caleb ed sikato pian natalosan to ya kaukolan toy manpaabeba?
Panon ya makatulong so 1 Pedro 5:5 pian magmaliw tayon mapaabeba?

Si Caleb ya walad toktok na atagtagey ya trophy tan lalastogan toy kaaro to ya walad leksab.