Pangaligan Iran Presentasyon

Pangigapoy Panangiyaral na Biblia ed Unonan Sabado na Hunyo

“Maslak ed saray nakakatongtong mi et labalabay dan magmaliw ya mareen so interon mundo. Balet, siansia nin wala ray guerra. Parad sika, akin kasi et anggapoy kareenan?” Abuloyan ya onebat. Insan ipanengneng so beneg na Hunyo 1 ya Watchtower, tan pantongtongan so unonan tepet tan anggan sakey a teksto. Iyopresi iray magasin, tan iyuksoy so ipawil pian pantongtongan so onsublay a tepet.

Paimano: Nepeg ya idemostra iya diad pantitipon parad lawak na kimeyan no Hunyo 1.

Say Panag-Bantayan Hunyo 1

“Maslak a totoo et asali da lay minelmelag na arum. Parad sika, wala kasi lugar ed mundo ya patas so panagtrato rad amin? [Abuloyan ya onebat.] Imanom pa no panon ya ipapasen na Dios so amin a totoo. [Basaen so Gawa 10:34.] Ipaliwawa na sayan magasin no panon ya panampoten na Dios so panaglabi.”

Onliing! Hunyo

“Labay min alaey opinyon mo. Natural labat ya labay tayon oninaway bilay tayo. Parad sika, akadepende kasi itan ed pansaliw ti lan pansaliw? [Abuloyan ya onebat.] Imanom pa yay imbaga nen Jesus. [Basaen so Lucas 12:15.] Ipapanengneng na sayan magasin no antoy dugan pangipasen ed saray bengatlan nasaliw, tan mangiiter iya na makatulong iran suhestion no panon tayon nakontrol so panaggastos.”