No Antoy Ibaga Sano Iyopresi Iray Magasin

The Watchtower October 1

“Iisipen na dakel no kasin mililikna so Dios ed saray kapagaan tan ermen tayo. Antoy nibagam ed satan ey? [Abuloyan ya onebat. Insan basaen so Salmo 34:18.] Nabasam ed sayan artikulo ed pahina 19 no panon itayon tutulongan na Dios pian nalabanan tayo iray negatibon liknaan tayo, singa bilang no maer-ermen itayo, ag-ondeey nonot, tan liknaen tayon anggapoy kana tayo.”

Awake! October

“Ibabaga na arum ya say Dios et puersa labat, aliwan persona. Panisiaan balet na arum ya sikatoy persona a walaan met na liknaan. Antoy opinyon mo balet ey? [Abuloyan ya onebat.] Piimanom pa ya ay. [Basaen so 1 Pedro 5:6, 7.] Nabasam ed artikulo diad pahina 29 so ebat na Biblia ed tepet ya, Talaga kasin persona so Dios?”

The Watchtower November 1

“Anggan siopa et labay ton naliknay inkakontento. Parad sika, kasin kaukolan tayoy kuarta pian nakontento itayo? [Abuloyan ya onebat.] Walay sakey ya managsulat na Biblia ya naaralan toy mankontento sano daiset so kayarian to. [Basaen so Filipos 4:11, 12.] Nabasam ed sayan magasin so ibabaga na Biblia ya limaran sekreto pian nakontento.”

Awake! November

“Ibabaga na arum ya ateista ya dakel so agawgawan mauges nisesengeg ed ngaran na Dios, kanian mas maong kuno no anggapo lay relihyon. Antoy nibagam ed satan ey? [Abuloyan ya onebat.] Nia ay so sakey a rason no akin ya lapud palson relihyon et walaray agawan mauges. [Basaen so 2 Timoteo 4:3, 4.] Nabasam ed sayan magasin no antoray lingo ed samay ibabaga na saray ateista.”