No Kakkaukolan Mo Lay Literatura ed Arum a Lenguahe

No maminsan, walaray nakakatongtong tayon mas labay dan basaen so literatura tayo ed arum a lenguahe balet ta anggapoy stock ed kongregasyon tayo. Antam ta a no walay access mo’d Internet tan walay printer mo et sarag ton sika lan mismo so man-print na literatura tayo diad 400 a lenguahe? Nia so gawaen mo:

• Laka’d www.watchtower.org, say official Web site tayo.

• Diad bandad kawanan na home page, nanengneng moy listaan na pigaran lenguahe. I-click so litrato na globo pian nanengneng so amin ya available a lenguahe.

• I-click so lenguahen labay mo. Insan mo nanengneng iray literaturan nayarin i-print, singa saray tract, brosyur, tan saray artikulo. Siempre, say ompaway et samay lenguahen pinilim kanian agka mapaga no agmo natalosan.

• I-click so labay mon i-print. Insan la ompaway ya intero so pinilim tan sarag mo la itan ya i-print.

Pigpigara labat a publikasyon so karga na Web site tayo; say arum et naala panamegley na kongregasyon. No talagan nanengneng mon interesado imay akatongtong mo, maabig no i-request so literatura ed manangasikaso na literatura na kongregasyon yo.