No Antoy Ibaga Nipaakar ed Saray Magasin

The Watchtower Nob. 1

“Antoy padesir yo, onelet kasi ulopan na saray sanasawa no iyaplika da iyan bilin na Biblia? [Basaen so Job 31:1. Insan abuloyan ya onebat.] Ipapaliwawa na sayan artikulo no antoray prinsipyo na Biblia ya ontulong ed saray sanasawa a mansiansian matoor ed panamaley da.” Ipabitar so artikulon onggapo ed pahina 18.

Awake! Nob.

“Miabobon so maslak a totoo a mapmaples lan nanaupot iray yaman ed daydayat. Antoy padesir yo, sarag kasi na gobiernoy too a solbaren iyan problema? [Abuloyan ya onebat. Insan ibasa so Mateo 6:10.] Wadiad sayan artikulo so pigaran rason no akin a seryoso iyan bengatla tan ipapaamta met na saya no antoy solusyon na Dios.” Iparungtal so artikulon onggapo ed pahina 20.

The Watchtower Dis. 1

“Kapagno onsasabi la rayan bulan, nanononotan na saray totoo si Jesus. Antoy nibagam ya impluensya nen Jesus ed sika? [Abuloyan ya onebat.] Papasesegen itayo na Biblia a manumbok ed ehemplo nen Jesus. [Basaen so 1 Pedro 2:21.] No gawaen tayo itan, magmaliw itayon mas maong tan mas maliket a too. Ipapaliwawa na sayan magasin no akin.”

Awake! Dis.

“Abayag lan sankanonot na totoo iyan tepet. [Ipaimano so tepet ed apis.] Siopay padesir yon makapangiter na makapnek ya ebat ed saya? [Abuloyan ya onebat.] Imanoen no akin a say Dios so nailaloan tayon makapangiter na ebat. [Basaen so Salmo 100:3.] Nabasa yo ed sayan magasin no antoy ibabaga na Biblia nipaakar ed saya.”