Diad Sayan Isyu na Onliing!: Kasin Natulongan Ka na Biblia ya Napaaligwas so Bilay Mo?

Daan ya Libro Parad Modernon Bilay

Aliwa labat ya nipaakar ed Dios so karga na Biblia. Nabasa met ditan iray prinsipyo ya mausar ed inagew-agew a bilay tayo, singa say nipaakar ed:

• Laman

• Emosyon

• Relasyon ed pamilya tan kakaaro

• Panag-budget na kuarta

• Relasyon ed Dios

Mausar ya Libro Manlapu La Nensaman

Manlapu la nensaman et dakdakel lay atulongan na Biblia ya onaligwas so bilay da. Available lay Biblia ed nilibo ya lenguahe natan. Amtaen no panon kan minabang ed mausar ya karunongan ya nabasa ed Biblia.