Patundaen nen Jesus so Guerra

Nen wadiad dalin si Jesus, impanengneng ton inar-aro to ray totoo. Insakripisyo to ni ingen so bilay to parad sikara. (Mateo 20:28; Juan 15:13) Asingger to lan ipanengneng lamet so panangaro to ed saray totoo no usaren to lay autoridad to bilang Ari na Panarian na Dios pian ‘patundaen to ray guerra diad interon dalin.’—Salmo 46:9.

Imanoen so ibabaga na Biblia no antoy gawaen nen Jesus:

• “Iliktar to so mairap-bilay ya onkekerew na tulong, tan samay pakaskasi tan siopaman ya anggapoy ontutulong. Kasian to so pobri tan say mairap-bilay, tan isalba toy bilay na saray maniirap. Iliktar to ra ed panagpairap tan karuksaan.”—Salmo 72:12-14.

Panon tayon nipanengneng ya talagan misalsalamat tayo ed amin ya ginawa nen Jesus parad sikatayo tan ed saray gawaen to ni labat? Say sakey ya paraan et no aralen tayo so nipaakar ed “maong a balita na Panarian na Dios” ya impulong to nen wadiad dalin. (Lucas 4:43) Basaen so artikulon “Anto so Panarian na Dios?”