Guerra​—Antoy Gawaen na Panarian na Dios ed Satan?

Wala ray nagagawan guerra ed nanduruman bansa kanian dakdakel so maniirap tan ompapatey. Nia ray pigaran report:

• “Say karakel na inatey ed guerra nen imbeneg ya taon et sankatageyan diad apalabas ya 28 a taon, lapud saray guerra ed Ethiopia tan Ukraine.”​—Peace Research Institute Oslo, Hunyo 7, 2023.

• “Say guerra ed Ukraine so sakey ed saray guerra ya linmoor nen 2022. Inmatagey met na 27% iray panlalaban lapud politika diad interon mundo tan manga 1.7 bilyon ya totoo so apektado.”​—The Armed Conflict Location & Event Data Project (ACLED), Pebrero 8, 2023.

Oniay ilalo ya nabasa ed Biblia: “Say Dios na tawen et mangiletneg na panarian ya agbalot naderal.” (Daniel 2:44) Diad satan ya Panarian o gobierno, ‘patundaen na Dios iray guerra diad interon dalin.’​—Salmo 46:9.