Iparaan Moy Pusom Antis Kan Manaral

No manaaral tayoy Biblia, importante ya onsabi ed puso tayo so aaralen tayo pian naalig tayoy panagnonot nen Jehova. Balibalin aligen si Esdras ta ‘imparaan toy puso to ya aralen so Ganggan nen Jehova.’ (Esd. 7:10) Panon tayon niparaan so puso tayo?

Manpikasi ka. Antis mon igapo so personal study’m, manpikasi ka ni. Ibagam ed si Jehova ya tulongan to ka pian natalosan mo tan niyaplikam iray naaralan mo.—Sal. 119:​18, 34.

Manpaabeba ka. Iyaamot nen Jehova so katuaan ed saramay mapaatagey tan saramay mandedepende ed sarili dan pakatalos. (Luc. 10:21) Tandaan mo ya say rason no akin ya manaaral ka et aliwan pian pabiliben so arum. No wala ray kaukolan mon umanen ed sarilim, komon ta manpaabeba ka tan uman mon tampol.

Dengel ka na Kingdom song. Baleg so nagawaan na musika ta walay epekto to ’tan ed emosyon tayo. Kanian no ondengel kay Kingdom song antis kan manaral, naliknam ya say personal study’m et parte na panagdayew mod si Jehova, tan mas onsabi ed pusom iray aaralen mo.