MAYO 5-11

KAYAMANAN ED SALITA NA DIOS

1. Makapaliket so Makulin Pankimey

(10 min.)

Agmo sasayangen so panaon mo ed andi-kakanaan iran bengatla (Pro 12:11)

Mankuli tan manseet ka (Pro 12:24; w16.06 30 ¶6)

Nabendisyonan ka lapud makulin pankikimey mo (Pro 12:14)

Saray Litrato: Sakey ya brother ya makulikuli ed trabaho ton panagmintina na angkakabaleg iran tubo tan makulikuli met diad espiritual iran kimey. 1. Manaakar ya awit to ray gamit tod trabaho to. 2. Uusaran to na liabe so baleg ya tubo. 3. Akiaral ya kaibay pamilya to. Akatagey so lima to tan say lima na anak ton bii pian mankomento. 4. Uusaren toy tract pian pulongan so sakey ya laki diad gasolinaan.

TIP: Makapaliket so makulin pankimey lalo la no isipen tayo no panon itan ya makatulong ed arum.—Gaw 20:35; g21.1 8 ¶1.

2. Saray Espiritual a Kayamanan

(10 min.)

Pro 12:16—Panon ya makatulong iyan prinsipyo pian nasarag na sakey a too ya anosan so mairap ya situasyon? (ijwyp artikulo 95 ¶10-11)

Ebat
Anto ran espiritual a kayamanan so labay yon inabang manlapud babasaen ed Biblia ed sayan simba?

Ebat

3. Panagbasa na Biblia

(4 min.) Pro 12:1-20 (th leksion 5)

MAGMALIW YA EPEKTIBO ED MINISTERYO

4. Pangigapo na Tongtongan

(2 min.) PANAGPULONG ED KAABUNGAN. (lmd leksion 1 punto 4)

5. Pangigapo na Tongtongan

(3 min.) PANAGPULONG ED KAABUNGAN. Iyopresi so panangiyaral na Biblia. (lmd leksion 5 punto 4)

6. Panagpawil

(3 min.) IMPORMAL YA PANAGPULONG. Ipanengneng moy website tayo ed katongtong mo ya wala ray anak to. (lmd leksion 9 punto 3)

7. Ipaliwawa Iray Papanisiaan Mo

(3 min.) Demonstrasyon. ijwfq artikulo 3—Tema: Kasin Manisia Kayo ya Sikayoy Tuan Relihyon? (lmd leksion 4 punto 3)

BILAY NA KRISTIANO

8. Diad Tulong nen Jehova Nasarag Moy Problemad Kuarta

(15 min.) Pantongtongan kaiba iray ondedengel.

Kasin aburido ka ed panaanap moy trabaho, kasin nakal kad trabaho, odino kasin aburido ka ya ompan kulang lay naalmom ya kuarta natan o no ontatken ka la? Maininomay ya manguman so ekonomya na sayan mundo. Pero papaseguroan itayo nen Jehova ya no sikatoy iyuna tayod bilay tayo lanang ton iter iray kaukolan tayo, anggano bigla labat ya mangumay situasyon tan agti la makalmoy magenap ya kuarta.—Sal 46:1-3; 127:2; Mat 6:31-33.

Sakey ya eksena ed video ya “Agkamin Balot Pinaulyanan nen Jehova.” Sankabembenan nen Brother Alvarado so lima na asawa to legan iran manpipikasi ya sankapamilya.

I-play so VIDEO ya Agkamin Balot Pinaulyanan nen Jehova. Insan itepet iya:

Antoy naaralan yo ed agawad si Brother Alvarado?

Ebat

Basaen so 1 Timoteo 5:8. Insan itepet iya:

Panon ya apabiskeg na sayan teksto so pananisiam ya lanang ya itarya nen Jehova so kaukolan na pamilya to?

Ebat

Dalepdepen so pigaran prinsipyo na Biblia ya makatulong ed sika no walay problemam ed kuarta:

Pasimplim so bilay mo. Iwasan moy onutang tan manggastos no agmet kaukolan.—Mat 6:22
No mandesisyon ka nipaakar ed edukasyon tan trabaho, say pilim et amay niyunam so panaglingkor mod si Jehova.—Fil 1:9-11
Manpaabeba ka tan agka mapili. No nakal kad trabaho, awat moy arum ya klase na trabaho ya makatulong ed sika ya nitarya iray kaukolan na pamilyam, anggano abeban klase na trabaho ni itan.—Pro 14:23
Mabulos mon inabang no antoy walad sika, anggano daiset labat itan.—Heb 13:16

9. Panag-aral na Kongregasyon ed Biblia

(30 min.) bt kap. 26 ¶1-8, saray kahon ed p. 204, 208