BILAY NA KRISTIANO

Saray Makatulong ya Feature na Panliketan so Bilay ya Anggapoy Anggaan!

Kasin labalabay mon usaren iray video tan tepet diad libron Panliketan so Bilay ya Anggapoy Anggaan!? Saray arum ya feature to ey, singa say “Ibabaga na Arum,” “Salim Iyan Gawaen,” tan “Diskobrien”? Anto ni kasi ray feature ya makatulong ed sika no mangiyaaral kay Biblia?—Mat 28:19, 20.

Say libron “Panliketan so Bilay ya Anggapoy Anggaan!” diad “JW Library” app. Nanengneng ed melag ya litrato so button ya “Saray Reperensya Parad Seksion 1.”

Saray Reperensya: No mas labay mon usaren so printed ya libro no mangiyaaral kay Biblia, panon mon naalmon tampol so amin ya video tan arum nin reperensya? Dia ed digital ya libro, pilim so sakey ed saray apatiran manunan seksion. Diad leksab na listaan na title na saray leksion, sarag mon pilien ditan so amin ya reperensya parad satan ya seksion. (Nengnengen so litrato 1.)

Setting ya “Printed Edition”: No gadyet so uusaren mo no mangiyaaral ka, ompan sagpaminsan et makatulong ed sika so setting ya “Printed Edition” legan na panag-aral. Diad kawalaan yon leksion, pindoten so taloran dot diad toolbar ed tagey na pahina tan pilien so “Printed Edition.” Makatulong so onian layout pian mansiansian malinew ed sika no panon ya mikonektaan ed interon tema na leksion so pantotongtongan yo. Pian makapawil ka ed digital ya edisyon, pindoten lamet so taloran dot tan pilien so “Digital Edition,” odino pindoten labat so icon diad leksab.

Say libron “Panliketan so Bilay ya Anggapoy Anggaan!” diad “JW Library” app. Nanengneng ed saray melag ya litrato so button na kahon ya “Akaparaan Ak La Kasi?” tan say “Kaaruman ya Impormasyon.”

“Akaparaan Ak La Kasi?”: Ipaliwawa na sarayan kahon diad bandad sampot na libro iray manunan kualipikasyon parad pampulong ya kaibay kongregasyon tan parad pampabautismo. (Nengnengen so litrato 2.)

Kaaruman ya Impormasyon: Nabasa dia iray impormasyon ya mangipapaliwawa ed saray importantin topic. Diad digital ya libro, walay link diad sampot na kada kaaruman ya impormasyon ya mangipawil ed sika diad leksion ya nanlapuan mo. (Nengnengen so litrato 2.)

Seguroen yon nasumpal ya iyaral so Panliketan so Bilay ya Anggapoy Anggaan! ed saray progresibon iyaaralan na Biblia, anggano nabautismoan la ra antis da nin nasumpal itan. Sarag yon ireport so oras, panagpawil, tan panangiyaral na Biblia anggano abautismoan lay iyaaralan yo. No walay manangipalapag ya kaiba yon mangiyaral, ireport to met so oras