Kasin Aanapen Moy Ebat na Saray Pikakasim?

Dakel so alimbawa na pikakasi ed Biblia ya inebatan nen Jehova. Nen anengneng na saray lingkor nen Jehova ya dinengel to ray kapagaan da tan tinulongan to ra, seguradon binmiskeg so pananisia ra. Kanian maabig no espisipiko tayo ed saray personal ya pikakasi tayo insan tayo anapen so ebat nen Jehova. Tandaan ya nayarin duma odino mas ni so ebat to ed kekerewen tayo. (2Co 12:7-9; Efe 3:20) Anto ray nayarin iyebat nen Jehova ed saray kerew tayo?

• Pabiskegen toy pisikal, emosyonal, odino espiritualidad tayo pian nasarag tayoy problema.—Fil 4:13

• Ikdan to tayoy karunongan pian duga so desisyon tayo.—San 1:5

• Ikdan to tayoy panlabay tan pakayarin onkiwas.—Fil 2:13

• Ikdan to tayoy kareenan no mapagpaga itayo.—Fil 4:6, 7

• Pakiwasen toy arum ya tulongan itayo diad praktikal a paraan, odino pabiskegen tan ligliwaen da tayo.—1Jn 3:17, 18

• Tulongan to iray totoon ipipikasi tayo.—Gaw 12:5, 11

BANTAYAN SO VIDEO YA SI JEHOVA ET “DUMERENGEL NA PIKAKASI,” INSAN EBATAN IRAYAN TEPET:

• Akin et makapaseseg ed sikatayo so eksperiensya nen Brother Shimizu no limitado lay nagawaan tayo lapud sakit?

• Panon tayon naalig so alimbawa nen Brother Shimizu?