BILAY NA KRISTIANO

Taloran Paraan na Panmatalek ed si Jehova

Atalo nen David si Goliat lapud nanmatalek ed si Jehova. (1Sa 17:45) Labay nen Jehova ya ipatnag so biskeg to parad amin ya lingkor to. (2Aw 16:9) Panon itayon makapanmatalek ed tulong nen Jehova imbes ya diad sarili tayon eksperiensya tan abilidad? Niay taloran paraan:

Naynay ya manpikasi. Aglabat manpikasi pian onkerew na perdona ed agawaan mon kasalanan, noagta manpikasi pian onkerew na biskeg ya nalabanan so tukso. (Mat 6:12, 13) Aglabat manpikasi pian bendisyonan nen Jehova iray ginawam ya desisyon noagta pian onkerew na panangigiya to tan karunongan antis kan mandesisyon.—San 1:5.
Nepeg ya walay eskedyul yod pambasa tan panaral na Biblia. Inagew-agew ya basaen so Biblia. (Sal 1:2) Dalepdepen iray alimbawa ed Biblia tan iyaplika iray naaralan ya leksion. (San 1:23-25) Manparaan ed ministeryo imbes ya mandepende labat ed eksperiensya tayo. Masakbay lan iparaan iray aaralen ed kongregasyon pian minabang a maong
Mikoopera ed organisasyon nen Jehova. Mansiansian updated ed saray panangigiya na organisasyon, tan tumboken iratan ya tampol. (Nu 9:17) Unoren iray bilin tan instruksion na saray elder.—Heb 13:17

Inaresto na saray pulis so sakey a brother legan ya akanengneng iray reporter tan saray agagi ed sikato.

BANTAYAN SO VIDEO YA AGNEPEG YA TAKOTAN SO PANAMASEGSEGANG, INSAN EBATAN IRAYAN TEPET:

• Anto ray pakatatakotan na saray agagi?

• Antoy akatulong ed sikaran nalabanan so pakatatakotan da?