Antoy Naaralan Tayo ed Saray Pinalsa na Dios Nipaakar ed Pakpel?

Say sakey ya paraan ya ibabangat itayo nen Jehova ya naalig iray kualidad to et diad panamegley na alimbawa na saray lalaki tan bibii diad Biblia. Balet makaaral itayo met na importante iran leksion ed saray arum ya pinalsa to. (Job 12:7, 8) Antoy naaralan tayo ed leon, kabayo, mongoose, hummingbird, tan elepante nipaakar ed pakpel?

BANTAYAN SO VIDEO YA MAKAARAL NA PAKPEL ED SARAY PINALSA NA DIOS, INSAN EBATAN IRAYA:

• 

  Panon ya makmakpel iray inan leon sano iyaagel da iray angkelag nin ananak da?

• 

  Panon ya ipapasal iray kabayo pian magmaliw iran makpel ed guerra?

• 

  Akin et ag-antakot so mongoose ed saray maditan uleg?

• 

  Panon ya ipapanengneng na angkekelag ya hummingbird so pakpel?

• 

  Panon ya makpel ya iyaagel na saray elepante iray kakaiba ra ed pulok?

• Panon kan makaaral na pakpel ed sarayan ayayep?